നാഗവല്ലി ടൈം ട്രാവൽ ചെയ്തപ്പോൾ 😌😏😜 [ചാണക്യൻ] 91

സണ്ണി ഇങ്ങനൊന്നുമല്ലല്ലോ പറഞ്ഞത്.

പോകണ്ട എന്ന് പറയുമ്പോ ദേഷ്യപ്പെടുമെന്നോ ഉള്ളിലെ നാഗവല്ലി പുറത്തു വരുമെന്നോ എന്നൊക്കെയല്ലേ പറഞ്ഞെ.

അപ്പൊ സ്നേഹത്തോടെ അവളെ തിരികെ വിളിക്കണമെന്നും.

ഇപ്പൊ എന്താ സംഭവിച്ചേ?

പക്ഷെ ഇപ്പൊ ഗംഗ എന്ത് കൂളായിട്ടാ പെരുമാറിയെ.

നകുലൻ ചിരിയോടെ സണ്ണിയുടെ അടുത്തേക്ക് പോയി.

പ്രതീക്ഷിച്ച പോലെത്തെ കാര്യങ്ങളോ ഗംഗയിൽ നിന്നും പൊട്ടിത്തെറിയോ ഒന്നും സംഭവിച്ചില്ലെന്ന് അറിഞ്ഞതും സണ്ണി നിരാശനായി.

ഇനി തനിക് വല്ല പാകപ്പിഴയും?

ബ്രഹ്മദത്തൻ സണ്ണിയോട് ചോദിച്ചു.

ഒരിക്കലുമില്ല തിരുമേനി…. എനിക്ക് 100 ശതമാനം ഉറപ്പാണ്….. ഗംഗയിലാണ് നാഗവല്ലിയുള്ളത്.

സണ്ണിയും ബ്രഹ്മതത്തനും സംസാരിക്കവേ നകുലൻ തന്റെ മുറിയിലേക്ക് പോയി.

തിരിഞ്ഞു നടക്കവേ നാകുലന്റെ കണ്ണുകളിലേക്ക് ഒരു നിമിഷം ഭയം ഇരച്ചെത്തി.

ആഭരണം എടുക്കാൻ പോകണ്ടെന്ന് പറഞ്ഞപ്പൊ ഗംഗ ഒരു നിമിഷം കൊണ്ടു മറ്റൊരാളായി മാറുന്നത് കണ്ടതിന്റെ ഞെട്ടലിൽ ആയിരുന്നു നകുലൻ.

സണ്ണി പറഞ്ഞതിൽ എന്തൊക്കെയോ കാര്യങ്ങൾ ഉണ്ടെന്നും ശ്രീദേവിയല്ല ഇതൊക്കെ കാട്ടിക്കൂട്ടിയതെന്നും നകുലനും ചെറുതായി തോന്നി തുടങ്ങി.

മന്ത്രവാദക്കളവും ഹോമകുണ്ഠവും ഒരുക്കങ്ങളും എല്ലാം മുറക്ക് ബ്രഹ്മദത്തൻ നമ്പൂതിരിയുടെ നേതൃത്വത്തിൽ തയാറാക്കി.

സണ്ണിയുടെ നിർദേശ പ്രകാരം.

അന്ന് രാത്രിയോട് കൂടി ഗംഗ പൂർണമായും നാഗവല്ലിയായി മാറി.

ഈയൊരു നിമിഷത്തിന് വേണ്ടിയാണ് നാഗവല്ലി കാത്തിരുന്നത്.

തന്റെ വർഷങ്ങളായുള്ള പ്രതികാരം വീട്ടി രാമനാഥനെ സ്വന്തമാക്കുവാനായി.

ഗംഗയുടെ ഉപബോധത്തിൽ നിന്നും പൂർണമായും മുക്തയായ നാഗവല്ലി തന്റെ ആടയാഭരണങ്ങളും ചേലയും അണിഞ്ഞു നൃത്തസഭയിൽ അടി തിമിർക്കാൻ തോന്നി.

“ഒരു മുറൈ വന്ത് പാർത്തായാ

നീ ഒരു മുറൈ വന്ത് പാർത്തായാ

എൻ മനം നീ അറിന്തായോ

തിരുമണം എൻട്രര്ര് കേട്ടായോ

അന്ബുടൽ കൈ അണയ്ത്തായോ”

നാഗവല്ലി എല്ലാം മറന്നുകൊണ്ട് ആടി തുടങ്ങി.

വർഷങ്ങൾക്ക് ശേഷം താൻ സ്വതന്ത്രയാകാൻ പോകുന്നു.