നാഗവല്ലി ടൈം ട്രാവൽ ചെയ്തപ്പോൾ 😌😏😜 [ചാണക്യൻ] 91

സണ്ണിയുടെ നിർദേശ പ്രകാരം നകുലൻ ഗംഗയെ പരീക്ഷിക്കുവാനായി സ്വന്തം അറിയിലേക്ക് പോകുന്നു.

അവിടെ ചെന്ന നകുലൻ കാണുന്നത് അല്ലിക്ക് കല്യാണ ആഭരണം എടുക്കാൻ പോകുന്ന ഗംഗയെ ആയിരുന്നു.

പുറകിൽ നാകുലന്റെ മുരടനക്കം കേട്ട് ഗംഗയുടെ ഉള്ളിലെ നാഗവല്ലി കൊല വെറിയോടെ പുഞ്ചിരിച്ചു.

കൂട്ടുകാരന്റെ വാക്കും കേട്ട് തന്നെ ടെസ്റ്റ്‌ ചെയ്യാൻ വന്ന മരമണ്ടൻ.

നാഗവല്ലി ഉള്ളിൽ ആർത്തു ചിരിക്കുകയാണ്.

ഗംഗ ഇപ്പൊ എവിടെ പോകുന്നു.

ങ്‌ഹേ…….. ഞാൻ പറഞ്ഞിരുന്നതല്ലേ അല്ലിക്ക് കല്യാണാഭരണം എടുക്കാൻ പോകുവാണെന്ന്…. ഇത്ര വേഗം മറന്നോ

അതും പറഞ്ഞുകൊണ്ട് ഗംഗ സാരി മടക്കി വക്കാൻ തുടങ്ങി.

ഗംഗ ഇപ്പൊ പോകണ്ട.

ങ്‌ഹേ……. അതെന്താ?

വേണ്ടന്നല്ലേ പറഞ്ഞെ

ഞാൻ ഇന്നലെ പറഞ്ഞിരുന്നതാണല്ലോ അല്ലിക്ക് കല്യാണാഭരണം എടുക്കാൻ പോകുവാണെന്ന്

ഗംഗ ഇപ്പൊ പോകണ്ട.

നകുലൻ കടുപ്പിച്ചു പറഞ്ഞതും ഗംഗയുടെ ഉള്ളിലെ നാഗവല്ലി രൗദ്ര ഭാവത്തോടെ ഒരു നിമിഷത്തേക്ക് പുറത്തേക്ക് ചാടി.

എന്നാൽ അന്നൊരിക്കൽ ഇതുപോലെ ഇവരുടെ കെണിയിൽ അകപ്പെട്ട് ഇവൻ തന്റെ രൗദ്ര ഭാവം ദർശിച്ചതും ഗംഗയിലാണ് താൻ കുടികൊള്ളുന്നത് എന്ന് തിരിച്ചറിഞ്ഞതും നാഗവല്ലി ഓർത്തെടുത്തു.

അപ്പൊ വിട്ടു കൊടുക്കരുത്.

അന്നത്തെ പോലെ ഇത്തവണ ഒരു പിഴയും സംഭവിക്കരുത്.

നാഗവല്ലി തന്റെ ക്രോധമൊക്കെ കുറച്ചു സൗമ്യ ഭാവത്തോടെ നകുലനോട് സംസാരിച്ചു.

സാരമില്ല നാകുലേട്ടാ….. ഏട്ടന് ഇഷ്ടമില്ലെങ്കിൽ ഞാൻ അല്ലിക്ക് കല്യാണാഭരണം എടുക്കാൻ പോകുന്നില്ല… പോരെ

നാഗവല്ലി കള്ള ചിരിയോടെ നകുലന്റെ കവിളിൽ ഒരു മുത്തവും കൊടുത്തു ഓടി.

നേരെ തെക്കിനിയിലേക്ക്.

തന്റെ സർവ ക്രോധവും ഇറക്കി വക്കാൻ.

അല്ലേൽ ഒരു നിമിഷം കൊണ്ട് താൻ ഈ തറവാട് മൊത്തം മുടിപ്പിക്കുമെന്ന് നാഗവല്ലിക്ക് തോന്നി പോയി.

അതു പാടില്ല.

ഗംഗ പോയി കഴിഞ്ഞതും നകുലൻ തറഞ്ഞു നിൽക്കുവാണ്.