നാഗവല്ലി ടൈം ട്രാവൽ ചെയ്തപ്പോൾ 😌😏😜 [ചാണക്യൻ] 91

അയ്യോ ഇത് നാഗവല്ലിയുടെ ചിലങ്കയല്ലേ?

ഞെട്ടൽ അഭിനയിച്ചുകൊണ്ട് നാഗവല്ലി ചോദിച്ചു.

ആര് പറഞ്ഞു…… ഇത് നാഗവല്ലിയുടെയൊന്നുമല്ല….. തനിക്ക് മാറിപോയതാ

ഗംഗയുടെ മൂച്ച് കൂട്ടാനായി സണ്ണി പറഞ്ഞു.

ആണോ? എങ്കിൽ എനിക്ക് മാറി പോയതാവും

ഗംഗ അതും പറഞ്ഞുകൊണ്ട് മറ്റെങ്ങോട്ടോ നോക്കി.

ഗംഗയുടെ ഉത്തരം കേട്ട് സണ്ണി ഇത്തവണ വീണ്ടും ഞെട്ടി.

ഏഹ്…… ഇത് നാഗവള്ളിയുടെ ചിലങ്കയല്ലെന്ന് ഗംഗയ്ക്ക് ഉറപ്പാണോ?

ചിലങ്ക തിരിച്ചും മറിച്ചും നോക്കി പരിശോദിച്ചു കൊണ്ട് സണ്ണി ചോദിച്ചു.

അതേന്നെ…… എനിക്ക് ഉറപ്പാ…. ഇത് നാഗവല്ലിയുടേതല്ല.

അതും പറഞ്ഞു കൊണ്ടു നാഗവല്ലി മനസാലെ പൊട്ടി പൊട്ടി ചിരിച്ചു.

എന്തൊക്കെയാണോ ഇവിടെ സംഭവിക്കുന്നത്

സണ്ണിക്ക് തല പെരുക്കുന്ന പോലെ തോന്നി.

വേഗം തന്നെ അവിടുന്ന് സ്ഥലം വിട്ടു.

നിന്നെ ഞാൻ തിരിച്ചു അമേരിക്കയ്ക്ക് പാക്ക് ചെയ്തു അയക്കുമെടാ സമദ്രോഹി

പല്ലിറുമ്മിക്കൊണ്ട് നാഗവല്ലി പിറുപിറുത്തു.

ഈ കൂട്ടത്തിൽ നാഗവല്ലിക്ക് ആകെ പേടിയുള്ളത് ഡോക്ടർ സണ്ണിയെ മാത്രമായിരുന്നു.

നാഗവല്ലിയുടെ അടുത്തു നിന്നും റൂമിൽ എത്തിയിട്ട് പോലും സണ്ണിയുടെ സംശയങ്ങൾ മാറിയിരുന്നില്ല.

അതിനാൽ തന്നെ ചന്തുവിനെയും കൂട്ടി ഗംഗയുടെ നാടായ ഏവൂരിലേക്ക് അവർ യാത്രയായി.

ഗംഗയുടെ കൗമാര കാല രഹസ്യം തേടി.

തറവാടിന്റെ ബാൽക്കണിയിൽ നിന്നും സണ്ണിയും ചന്തുവും സൈക്കിളിൽ പോകുന്നത് നാഗവല്ലി ചിരിയോടെ കണ്ടു നിന്നു.

ഹ്മ്മ്…… പോയിട്ട് വാ….. വച്ചിട്ടുണ്ട് ഞാൻ

അവരെ നോക്കിക്കൊണ്ട് നാഗവല്ലി പിൻവലിഞ്ഞു.