നാഗവല്ലി ടൈം ട്രാവൽ ചെയ്തപ്പോൾ ??? [ചാണക്യൻ] 92

അതു കേട്ട സണ്ണി ശ്രീദേവിയെ പൂട്ടിയിട്ട റൂമിലേക്ക് ഓടി കയറുന്നു.

റൂം തുറന്ന് അകത്തു കയറിയ സണ്ണിയുടെ കോളറിൽ പിടിച്ചു കുലുക്കികൊണ്ട് ചോദ്യം ചെയ്യുന്ന ശ്രീദേവിയെ കണ്ടു കൊണ്ടു സണ്ണി പയ്യെ ഡോർ അടച്ചു.

അല്പം നിമിഷം കഴിഞ്ഞതും ശ്രീദേവിയുടെ നിലവിളി ഉയരുന്ന ആ റൂമിൽ നിന്നും പുറത്തേക്കിറങ്ങി പോകുന്ന സണ്ണിയെയാണ് നാഗവല്ലി കണ്ടത്.

എല്ലാരെയും ശ്രീദേവിയാണ് മനോരോഗിയെന്ന് തെറ്റിധരിപ്പിക്കാൻ സാധിച്ചതിന്റെ ചരിതാർഥ്യത്തിലായിരുന്നു ഗംഗയിലെ നാഗവല്ലി അന്നേരം.

പിന്നീട് സണ്ണി പാടി തുടങ്ങുന്നു.

“പഴന്തമിഴ് പാട്ടിഴയും ശ്രുതിയിൽ

പഴയൊരു തംബുരു തേങ്ങി

മണിച്ചിത്രത്താഴിനുള്ളിൽ വെറുതെ

നിലവറ മൈന മയങ്ങി.”

അന്നത്തെ ദിനം മാടമ്പള്ളിക്കാർക്ക് പൊതുവെ ദുരന്ത ദിനമായിരുന്നു.

ഗംഗയിലെ നാഗവല്ലി മാടമ്പള്ളി മനയിൽ പ്രതികാര ദാഹത്തോടെ വിഹരിച്ചുകൊണ്ടിരുന്നു.

ശ്രീദേവിയെ സണ്ണി പൂട്ടിയിട്ടതിനാൽ അന്ന് മാടമ്പള്ളിയിലാകെ സങ്കടദിനമായിരുന്നു.

നാഗവല്ലിക്ക് ഒഴികെ.

ദുർഗാഷ്ടമി നാൾ അടുക്കുന്നതിനാൽ തന്റെ ഉഗ്ര ശപഥം പോലെ തന്നെ ആ ശങ്കരൻ തമ്പിയെ വധിക്കണം.

നാഗവല്ലി നല്ലൊരു പദ്ധതി തയാറാക്കിക്കൊണ്ടിരുന്നു.

തറവാട്ടമ്പലത്തിലെ കഥകളിക്ക് കുടുംബം ഒന്നടങ്കെ പോയ വേളയിലാണ് നകുലനും രാമനാഥനും സണ്ണിയിലൂടെ തിരിച്ചറിയുന്നത് മടമ്പള്ളിയിലെ യഥാർത്ഥ മനോരോഗി ഗംഗയിലാണ് കുടി കൊള്ളുന്നതെന്ന്.

ഇന്നാണ് ആ ദുര്ഗാഷ്ടമി ദിവസം.

ശ്രീദേവിയുടെ അച്ഛന്റെ നിർബന്ധത്താൽ മേക്കാട്ടൂർ ഇല്ലത്തെ ബ്രഹ്മദത്തൻ നമ്പൂതിരി ആഭിചാര കർമങ്ങൾക്കായി തന്റെ ശിഷ്യഗണങ്ങളോടൊപ്പം മാടമ്പള്ളിയിൽ എത്തി ചേർന്നു.

അവിടെ വച്ചു കണ്ടു മുട്ടിയ സണ്ണിയും ബ്രഹ്മദത്തനും വർഷങ്ങൾക്ക് ശേഷം തങ്ങളുടെ സൗഹൃദം പുതുക്കുന്നു.

ബ്രഹ്മദത്തനുമായി മാടമ്പള്ളിയിലെ ഞെട്ടിക്കുന്ന സത്യങ്ങൾ സണ്ണി പങ്കു വച്ചു.

എന്നാൽ അതൊക്കെ ശ്രവിച്ച ബ്രഹ്മദത്തൻ സണ്ണിയെയും കൂട്ടുകാരൻ നകുലനെയും അതിൽ നിന്നും പിന്തിരിപ്പിക്കാൻ വൃഥാ ശ്രമിക്കുന്നു

എന്നാൽ അതൊന്നും ശ്രവിക്കാതെ തന്റെ സുഹൃത്തും കൂടപ്പിറപ്പുമായ നകുലന് വേണ്ടി അവസാന വട്ട പരീക്ഷണത്തിന് മുതിരുന്നു.