നാഗവല്ലി ടൈം ട്രാവൽ ചെയ്തപ്പോൾ ??? [ചാണക്യൻ] 92

അത്‌ കാണാനാവാതെ സണ്ണി കണ്ണുകൾ പൊത്തി നിന്നു പൊട്ടിക്കരഞ്ഞു.

അങ്ങനെ തന്റെ പ്രതികാരം ദുർഗാഷ്ടമി നാളിൽ പൂർത്തീകരിക്കാൻ കഴിഞ്ഞതിന്റെ ചരിതാർഥ്യത്തിൽ ആയിരുന്നു നാഗവല്ലി.

നാഗവല്ലി എന്നാൽ ഫ്ലവർ അല്ലടാ…… ഫയർ ആണ്….. ഫയർ

നാഗവല്ലി ആർത്തു ചിരിച്ചുകൊണ്ട് ആ മന്ത്രക്കളം മൊത്തം ഓടി ചാടി കളിച്ചു.

—————————————————-

-മണിക്കൂറുകൾക്ക് മുന്നേ-

സണ്ണി ഡോർ ലോക്ക് ചെയ്ത നിമിഷം നാഗവല്ലി പമ്മി പമ്മി പിന്നിലെ മറ്റൊരു വാതിലിലൂടെ പുറത്തേക്ക് കടന്നു.

ആരും കാണാതെ മാടമ്പള്ളിയുടെ പിന്നാമ്പുറതത്തൂടെ എത്തിയ നാഗവല്ലി കണ്ടു, തന്നെ ആവഹിക്കാനായി ബ്രഹ്മദത്തൻ നടത്തുന്ന ഒരുക്കങ്ങൾ.

അത്‌ കണ്ടു പല്ലിറുമ്മവേയാണ് നാഗവല്ലിയുടെ കണ്ണിൽ ഒരു സാധനം പതിയുന്നത്.

ആ യന്ത്രം തന്നെ.

അന്നൊരിക്കൽ ഇതുപോലെ താൻ നാകുലനെ കൊല്ലാൻ നോക്കിയപ്പോഴേക്കും ഡമ്മിയിട്ടു പറ്റിച്ച അതേ യന്ത്രം.

അവിടെ ആ യന്ത്രത്തിനു മറുവശത്തു ഒരു ലിവർ കാണാം.

അന്ന് ഈ ലിവർ തിരിച്ചാണ് സണ്ണി നകുലനെ രക്ഷിച്ചതെന്ന് നാഗവല്ലി ഓർത്തെടുത്തു.

അവൾ പമ്മി പമ്മി അങ്ങോട്ടേക്ക് ചെന്നു.

അവിടെ ആരും തന്നെ ഉണ്ടായിരുന്നില്ല.

ചുറ്റും നോക്കി ആളുകൾ ഇല്ലെന്ന് ഉറപ്പ് വരുത്തിയ ശേഷം നാഗവല്ലി ആ ലിവറിനെ യന്ത്രവുമായി ബന്ധിപ്പിച്ച  നട്ട് പയ്യെ അഴിച്ചെടുത്തു കളഞ്ഞു.

എന്നിട്ട് കള്ള ചിരിയോടെ തിരികെ റൂമിലേക്ക് വന്നു.

അന്തിമ വിജയം ഈ നാഗവല്ലിക്ക് തന്നെയാവും എന്ന ദൃഢനിശ്ചയത്തോടെ.

—————————————————-

അന്തിമ വിജയം കരസ്തമാക്കിയ നാഗവല്ലി ആ മാടമ്പള്ളി മനയിലെ അംഗങ്ങളെയും ബ്രഹ്മദത്തൻ തിരുമേനിയെയും സണ്ണിയെയും കൊലപ്പെടുത്തിയ ശേഷം ആ തറവാടിനെ തന്നെ മുച്ചൂടും മുടിച്ചു.

ശേഷം തന്റെ പ്രാണനാഥനായ രാമനാഥനുമൊത്ത് ഗംഗയുടെ രൂപത്തിൽ ഈ ഭൂമിയിൽ തന്നെ ജീവിക്കുവാനായി തുടങ്ങി.

സന്തോഷത്തോടെ.

നാഗവല്ലി എന്നാ സുമ്മാവാ ?

അവസാനിച്ചു.

സ്നേഹത്തോടെ ചാണക്യൻ……….!!!!!!