നാഗവല്ലി ടൈം ട്രാവൽ ചെയ്തപ്പോൾ ???

Author : ചാണക്യൻ

 

അവിടുന്ന് ഗംഗ നേരെ പോയത് നാഗവല്ലിയുടെ ഉടയാടകൾ കാണിക്കാനാണ്.

കൂടാതെ ആമാട പെട്ടിയിലെ അപൂർവമായ ആഭരങ്ങൾ കൂടി കാണിക്കുക എന്നതായിരുന്നു ഗംഗയുടെ ലക്ഷ്യം.

ഇത് കണ്ടില്ലേ സണ്ണി നെറ്റിച്ചൂട്ടി, പാലക്കാമാല, മാങ്ങ മാല കാശി മാല…… അയ്യോ ചിലങ്ക എവിടെ? ചിലങ്ക എവിടെ?

എന്താ ഗംഗേ?

സണ്ണി നെററ്റി ചുളിച്ചുകൊണ്ട് ഗംഗയുടെ മുഖത്തു അനുനിമിഷം മാറി മറിയുന്ന ഭാവങ്ങൾ ഒപ്പിയെടുക്കുകയായിരുന്നു.

നാഗവല്ലിയുടെ ചിലങ്ക കാണുന്നില്ല…. ഹാ സാരൂല.

ഗംഗയുടെ ഉള്ളിലെ നാഗവല്ലി അപ്പോഴേക്കും ഉണർന്നിരുന്നു.

നാഗവല്ലി ചിരിയോടെ ആമാടപ്പെട്ടി അടച്ചു വച്ചിട്ട് സണ്ണിയെ നോക്കി ചിരിച്ചു.

സണ്ണിയും പുഞ്ചിരി പൊഴിക്കാൻ മറന്നില്ല.

ഒരു കാരണവശാലും സണ്ണിക്ക് സംശയം തോന്നരുതെന്ന് നാഗവല്ലി മനസിൽ ഉറപ്പിച്ചിരുന്നു.

ആ മുറിയിലെ പഴകിയ ജനവാതിൽ തുറന്നിട്ടിട്ട് നാഗവല്ലി തന്റെ പ്രണയമായിരുന്ന രാമനാഥൻ വസിച്ചിരുന്ന ഗൃഹം കൂടി സണ്ണിക്ക് കാണിച്ചു കൊടുത്തു.

ശേഷം സണ്ണിയെ ചായയുടെ കാര്യം ഓർമിപ്പിച്ചതും സണ്ണി നിർത്താതെ ഓടി.

നാഗവല്ലി പൂർവാധികം കൊലചിരിയോടെ ഗംഗയുടെ ഉപ ബോധ മനസിലേക്ക് മറഞ്ഞു.

വെറുതെ ഗംഗയെ സംശയിച്ചതിന്റെ കുറ്റബോധത്തിൽ ആയിരുന്നു സണ്ണി അന്നേരം.

(തുടരുന്നു)

മാടമ്പള്ളി തറവാടിന്റെ തെക്കിനിയിലെ ഇടനാഴിയിലൂടെ നീങ്ങവേ ഡോക്ടർ സണ്ണി ജോസഫ് ചിന്തിതനായിരുന്നു.

കാരണം ഗംഗയുടെ കൂടെ തെക്കിനിയിൽ കേറിയ നിമിഷം തൊട്ട് ഗംഗയ്ക്ക് വല്ലാത്ത മാറ്റങ്ങൾ സംഭവിക്കുന്ന പോലെ തോന്നി.

ആ ശങ്ക തോന്നിയപ്പോൾ മുതലാണ് സീൻ ബൈ സീൻ ആയി ഗംഗയെ നിരീക്ഷിച്ചുകൊണ്ടിരുന്നത്.

അപ്പോഴാണ് ആമാട പെട്ടിയിലെ ആഭരണങ്ങൾ ഗംഗ ഓരോന്നായി സണ്ണിക്ക് പരിചയപ്പെടുത്തിയ രംഗം സണ്ണി ഓർത്തത്.

ആ സമയം മുഴുവൻ ഗംഗയുടെ പുരികങ്ങൾ മുകളിലേക്കായിരുന്നു.

അല്ലാത്തപ്പോൾ അവ നോർമൽ രീതിയിലും.

എന്തെങ്കിലും തരത്തിലുള്ള multiple പേഴ്സണാലിറ്റി ഡിസോഡർ ഇനി ഗംഗയിൽ കാണുമോ?

കാരണം ആ ആഭരങ്ങൾ ഓരോന്നായി ആവേശത്തോടെ കാണിക്കുമ്പോൾ അത്‌ ഗംഗയുടെ മുഖഭാവങ്ങൾ ആയിരുന്നില്ല.