നാഗവല്ലിയും ടൈം ട്രാവൽ വാച്ചും 😁😏😜 [ചാണക്യൻ] 132

കോമളവല്ലി നാഗവല്ലിയുടെ കയ്യിലുള്ള വാച്ചിൽ തീയതിയും സമയവും കൃത്യമായി ചെയ്തു വച്ചു.

എന്നാൽ മാസം മാത്രം തെറ്റിപ്പോയി.

ഡിസംബറിന് പകരം നവംബർ ആണ് സെറ്റ് ചെയ്‌തത്.

അത്‌ കോമളവല്ലി അറിഞ്ഞതുമില്ല.

സമയവും തീയതിയും സെറ്റ് ചെയ്ത ശേഷം കോമളവല്ലി അതിലുള്ള സ്വിച്ച് അമർത്തി.

പൊടുന്നനെ നാഗവല്ലി അപ്രത്യക്ഷയായി.

ഇത് കണ്ട കോമളവല്ലിയുടെ കിളികൾ പാറി പറന്നു.
.
.
.
.
.
ദീർഘമായ മയക്കത്തിനു ശേഷം നാഗവല്ലി എഴുന്നേറ്റു.

ഉറക്ക ക്ഷീണം കാരണം കണ്ണുകൾ ചിമ്മി തുറക്കാൻ നന്നേ പ്രയാസപ്പെടുന്നുണ്ടായിരുന്നു.

ഒരു കോട്ടുവാ ഇട്ടുകൊണ്ട് നാഗവല്ലി കണ്ണുകൾ അമർത്തി തിരുമ്മി.

ശേഷം പതിയെ തുറന്നു.

വളരെ പരിചിതമായ മുറി.

താനിപ്പോൾ ഒരു ബെഡിൽ കിടക്കുകയാണ്.

നാഗവല്ലി ചാടിയെഴുന്നേറ്റു.

ഗംഗ ചേച്ചി…….. ഗംഗ ചേച്ചി

പച്ച നിറമുള്ള ഹാഫ് സാരി ഉടുത്തുകൊണ്ട് അല്ലി റൂമിലേക്ക് കടന്നു വന്നു.

ങ്‌ഹേ….. അല്ലി താനേ ഇത്? എനക്ക് എന്ന ആച്ച്? പൈത്യമാ?

ചുറ്റും നടക്കുന്നത് ഒന്നും മനസിലാവാതെ നാഗവല്ലിയുടെ തല പെരുത്തു.

ഗംഗ ചേച്ചി…… വേഗം എണീറ്റു വാ….. കുടുംബ ക്ഷേത്രത്തിൽ പോകാം…. വായോ

അല്ലി ഗംഗയുടെ കയ്യിൽ പിടിച്ചു വലിച്ചു.

അതോടെ ഒരു കാര്യം നാഗവല്ലിക്ക് മനസിലായി.

കണ്മുന്നിൽ നടക്കുന്നതൊന്നും സ്വപ്നമല്ല….. യാഥാർഥ്യം തന്നെയാണ്.

എന്താടോ ഗംഗേ? താൻ ഇതുവരെ എഴുന്നേറ്റില്ലേ?

കയ്യിൽ ഏതോ പുസ്തകവുമായി നകുലൻ റൂമിലേക്ക് കടന്നു വന്നു.

നകുലേട്ടാ….. ഗംഗ ചേച്ചി ഭയങ്കര മടിച്ചിയാ…. ഇപ്പോഴും എണീക്കുന്നില്ല.