നാഗവല്ലിയും ടൈം ട്രാവൽ വാച്ചും ???

Author :ചാണക്യൻ

മണിച്ചിത്രത്താഴിലെ നാഗവല്ലി ടൈം ട്രാവൽ ചെയ്താൽ എങ്ങനെ ഇരിക്കും എന്നതാണ് ഈ കഥയുടെ തീം ?

ഫുൾ കോമഡി മോഡ് ആണ് ?

ലോജിക് വച്ചു ആരും ഈ കഥ വായിക്കരുതേ

ധൈര്യായി വായിച്ചോ ?

.
.
.
.
.

 

01 ഫെബ്രുവരി 1994

ഡോക്ടർ സണ്ണിയും ബ്രഹ്മദത്തൻ തിരുമേനിയും ഗംഗയുടെ ശരീരത്തിൽ നിന്നും ഒഴിപ്പിച്ച ശേഷം ആത്മാക്കളുടെ ലോകത്തു വിഹരിച്ചു നടക്കുകയായിരുന്നു നാഗവല്ലിയുടെ ആത്മാവ്.

ഒരുനാൾ അവിടുത്തെ സുഹൃത്ത് ആയ കോമളവല്ലി ഒരു പുതു പുത്തൻ വാച്ച് കയ്യിൽ കെട്ടിക്കൊണ്ട് നാഗവല്ലിയുടെ മുന്നിലേക്ക് ഓടിയെത്തി.

ടണ്ടഡാ……………

ബിജിഎം ഇട്ടുകൊണ്ട് കോമളം വാച്ചുയർത്തി കാണിച്ചു.

നല്ല വാച്ച്……എങ്കേന്ന് കെടച്ചത്?

നാഗവല്ലി തിളങ്ങുന്ന കണ്ണുകളോടെ ചോദിച്ചു.

ഡീ വല്ലി……. ഞാൻ ഇന്ന് ഒരുത്തന്റെ ചോര കുടിക്കാൻ പോയപ്പോ കളഞ്ഞു കിട്ടിയതാ…..നല്ല വാച്ചല്ലേ.? എനിക്ക് ഇഷ്ട്ടപ്പെട്ടു

കോമളവല്ലി സന്തോഷം തിങ്ങുന്ന മനസോടെ പറഞ്ഞു.

ഹ്മ്മ്….. വാച്ചൊക്കെ കൊള്ളാം…… പക്ഷെ എനിക്ക് മാത്രം ഇല്ലല്ലോ

നാഗവല്ലി കോമളത്തോട് പരാതി പറഞ്ഞു.

സാരമില്ല പെണ്ണെ….. നിനക്ക് ഞാൻ വേറൊരു വാച്ച് കൊണ്ട് വന്നിട്ടുണ്ട്.

ഉള്ളം കയ്യിൽ ഒളിപ്പിച്ചു വച്ച മറ്റൊരു വാച്ച് കോമളവല്ലി നാഗവല്ലിക്ക് നേരെ നീട്ടി.

ആ വാച്ച് കാണാൻ വിചിത്രമായിരുന്നു.

ഏതോ പൗരാണിക കാലത്തെ വാച്ചു പോലെ അത്‌ ഓർമിപ്പിച്ചു.

24 മണിക്കൂർ സമയം വരെ ഉള്ള വാച്ച്.

നാഗവല്ലി പാതി മനസോടെ ആ വാച്ച് വാങ്ങി.