നന്ദന 5 [ Rivana ] 88

ആദ്യത്തെ ദിവസം ആയത് കൊണ്ട് തന്നെ ഞാൻ നേരത്തെ തന്നെയാണ് സ്കൂളിലേക്ക് പോയത്. ബസ്സിൽ അതികം തിരക്ക് ഉണ്ടായിരുന്നില്ല ചിലപ്പോ ഞാൻ നേരത്തെ ഇറങ്ങിയത് കൊണ്ടാകാം അതല്ലേൽ അവിടേക്ക് കുട്ടികൾ കുറവ് ആയത് കൊണ്ടാകാം.

സ്കൂളിന് അടുത്തുള്ള സ്റ്റോപ്പിൽ ബസ് നിർത്തി. എന്റെ കൂടെ അവിടെ പ്ലസ് വണ്ണിലേക്കുള്ള വേറെയും കുറച്ചു കുട്ടികൾ ഉണ്ടായിരുന്നു. അവരിൽ ആരെയും അങ്ങനെ പരിചയം ഇല്ലായിരുന്നു.

ഞാൻ പുറത്ത് അതികം നിൽക്കാതെ സ്കൂളിലേക്ക് നടന്നു. പോകുന്ന വഴിയിൽ ആരെയും പരിചയം ഇല്ലാത്തത് കാരണം എനിക്ക് നല്ല ടെൻഷൻ ഉണ്ടായിരുന്നു.

ഞാൻ സ്കൂളിന്റെ ഗേറ്റ് കടന്ന് കുറച്ചു മുന്നോട്ട് നടന്നതിന് ശേഷം വെറുതെ പിന്നിലേക്കു നോക്കി. അപ്പോഴാണ് പത്തിൽ പഠിച്ച ഗൗരിയെ കാണുന്നത്. ഒരേ ക്ലാസ്സിൽ അല്ല പഠിച്ചതെങ്കിലും ഞങ്ങൾ തമ്മിൽ പരിചയം ഉണ്ടായിരുന്നു.

അവളെ കണ്ടതും എനിക്ക് എന്തെന്നില്ലാത്ത ആശ്വാസം തോന്നി. എന്നെ കണ്ടതും അവൾ പെട്ടെന്ന് എന്റെ അടുത്തേക്ക് വന്നു.

“ നന്ദന നിനക്ക് ഇവിടെയാണോ അലോട്മെന്റ് കിട്ടയത് “ എന്നെ കണ്ട പാടെ അവൾ എന്നോട് ചോദിച്ചു.

“ കിട്ടാതെ ഞാൻ ഇവിടേക്ക് വരേണ്ട ആവശ്യല്ല്യല്ലോ “ ഞാൻ കളിയാക്കി കൊണ്ട് പറഞ്ഞു.

അതോടൊപ്പം ഞങ്ങൾ സ്കൂളിന്റെ കോംബൗണ്ടിലേക്ക് നടന്നു കൊണ്ടിരുന്നു

“ ഹ അത് ഞാൻ പെട്ടെന്ന് നിന്നെ കണ്ടപ്പോ ചോദിച്ചു പോയതാ, അല്ല ഏതാ ബാച്ച് “

“ കമ്പ്യൂട്ടർ സയൻസ്, നീയോ “

“ ഞാൻ കോമേഴ്‌സാണ്“
“ യ്യോ ഞാൻ വിചാരിച്ചു നീ സയൻസ് ആകുമെന്ന്. എനിക്കാണേ ഇവിടെ ഒരു കുട്ടീനേം പരിചയം ഇല്ല നിന്നെ കണ്ടപ്പോഴ ഒന്ന് സമാധാനായെ. പക്ഷെ നീയാണേൽ കൊമേഴ്സും. ഇനി ഇപ്പ ആരെയാ സയൻസിൽ ഉള്ള കുട്ടികളെ കിട്ട “

“ അതൊന്നും പ്രശ്നമല്ലടി ആദ്യത്തെ ദിവസം പേടിയും ടെൻഷനും ഒക്കെണ്ടാവും, എനിക്കും ടെൻഷൻ ഉണ്ട്, അത് നാളെ ആകുമ്പോഴേ
ക്കും മാറിക്കോളും “