നന്ദന 5 [ Rivana ] 88

പക്ഷെ ഓൾ റെഡി പേടിച്ചു നിന്നിരുന്ന അവൾ ഇതും കൂടി ആയതോടെ പേടിച്ചിട്ട്‌ ഒന്നും മിണ്ടാതെ നിന്നു. അത് കണ്ടപ്പോ സാധാരണ ചെയ്യുന്ന പോലെ അവൻ അവളോട് ചൂടായി.

അവൻ ചൂടായതും അത്രയും നേരം പേടിച്ചു നിന്നിരുന്ന അവൾ അവൻ ചൂടാവുന്നത് കണ്ട് കരഞ്ഞു.

അവൾ കരയുന്നത് കണ്ടപ്പോൾ അത് പണിയാകും എന്ന് റോയിക്ക് മനസിലായി അതോടെ അവന് അവളെ സമാധാനിപ്പിക്കാൻ തുടങ്ങി.

റോയിക്ക് പിന്നെ സംസാരിച്ചു ആളെ വശത്താക്കാൻ നന്നായി അറിയാവുന്നത് കൊണ്ട് അവളോട് സംസാരിച്ചു എല്ലാം ക്ലിയർ ആക്കി ഹാപ്പി ആക്കിത്തന്നെ ക്ലാസിലേക്ക് പറഞ്ഞു വിട്ടു.

ആ പെൺ കുട്ടിയെ കാണാനും നല്ല ഭംഗിയുണ്ടായിരുന്നു. അവസാനം അവൾ പോകാൻ നേരം എന്ത് പ്രെശ്നം ഉണ്ടേലും റോയിയോട് പറഞ്ഞാൽ മതിയെന്നും പറഞ്ഞിട്ടാണ് അവളെ വിട്ടത്.

അതിന്റെ ബാക്കി പത്രമാണ് മുൻപ് കണ്ടത്.

____

കോളേജിലെ ഓരോ ദിവസങ്ങൾ കഴിയും തോറും ഫസ്റ്റ് ഇയറിലെ ആ പെൺകുട്ടി റോയിയോട് അടുപ്പം കാണിക്കുന്നത് ഞാൻ കണ്ടു. ആദ്യം ഒക്കെ സാധാരണ രീതിയിൽ ഉള്ള സംസാരം ആയിരുന്നെങ്കിലും പിന്നീട് അത് ഫ്രണ്ട്ഷിപ്പിലേക്ക് വഴി മാറി.

അതോട് കൂടെ അവരുടെ തമ്മിൽ ഉള്ള അകലം കുറഞ്ഞു വന്നു. അപ്പോഴൊക്കെയും അവൻ എന്നെ വിട്ട് പോകുമെന്ന് ഭയന്നിരുന്നു. അവന് അവളോട് പ്രത്യേക താല്പര്യം ഉള്ളതായും ഞാൻ ശ്രദ്ധിച്ചു. അപ്പൊഴൊക്കെ അവനോട് പറയാൻ ഞാൻ നോക്കിയെങ്കിലും അവന്റെ അടുത്ത് എത്തുമ്പോ എനിക്ക്പറയാൻ കഴിഞ്ഞിരുന്നില്ല. എന്തോ അവൻ അത് അക്സെപ്റ്റ്‌ ചെയ്തില്ലെങ്കിലോ എന്നൊരു പേടി നിറഞ്ഞു നിന്നു.