ദൗത്യം 11[ശിവശങ്കരൻ] 221

അദ്ദേഹമാണ് പായിക്കാട്ടു ഇല്ലത്തെ മൂത്തകാരണവർ, പായിക്കാട്ടു വലിയനമ്പൂതിരി… ചെറുപ്പകാലത്തു ഇല്ലത്തിന്റെ ക്ഷയം കണ്ടു, ദുരഭിമാനം മാറ്റിവച്ചു, പഠിച്ച ജോലിയും ചെയ്തു പണം സാമ്പാദിച്ചു. എന്നാൽ പരമ്പരാഗതമായ ജ്യോതിഷശാസ്ത്രം അദ്ദേഹത്തിൽ നിന്നും അകന്നു നിന്നു. അച്ഛന്റെ ആഗ്രഹപ്രകാരം അദ്ദേഹത്തിന്റെ അനിയനാണ് പായിക്കാട്ടു നമ്പൂതിരിയെന്ന പേരിൽ പ്രസിദ്ധനായ ജ്യോത്സനായി വളർന്നത്… പായിക്കാട്ടു വിഷ്ണുനാരായണൻ നമ്പൂതിരി… പായിക്കാട്ടെ ചെറിയ തിരുമേനി…വല്ല്യനമ്പൂതിരിയുടെ കുഞ്ഞൻ…

പറഞ്ഞു പറഞ്ഞു കാട് കയറിയല്ലേ… മാറ്ററിലേക്ക് വരാം…

അങ്ങനെ ആ മൺവഴിയിലൂടെ, തെങ്ങിൻതോപ്പിലെ പണിക്കാർക്കുള്ള നിർദ്ദേശങ്ങൾ കൊടുത്തുകൊണ്ട് നില്കുമ്പോഴാണ് തന്റെ അടുത്ത് വിലകൂടിയ ഒരു ആഡംബരകാർ വന്നു നിന്നത്. അതിൽ നിന്നും പരിചയമുള്ള ഒരാൾ ഇറങ്ങി വന്നപ്പോൾ ചിരിയോടെ വലിയ നമ്പൂതിരി അടുത്തേക്ക് ചെന്നു…

“എന്താടോ ഇന്ന് താമസിച്ചല്ലോ…”

“മോൻ… അവൻ കോളേജിലേക്ക് ഇറങ്ങിയിട്ട് വരാം എന്ന് വച്ചു…”

“മ്… രോഗിയറിയാതെയാണ് ചികിത്സ… കുഞ്ഞനും അത് തന്നെയാണോ പറഞ്ഞേ…”

“അല്ല, അദ്ദേഹം പറഞ്ഞത് ഉടനെ അവനെ അറിയിക്കണമെന്നാണ്… പക്ഷേ… ഞങ്ങൾക്ക്…”