ദൗത്യം 8 [ശിവശങ്കരൻ] 216

‘അപ്പൊ ഇവർക്കൊക്കെ നേരത്തെ പരിചയമുണ്ട്… ആരാണിയാൾ… ദേവ്ജി… എവിടെയോ കേട്ടു മറന്ന പേര്… ഇയാൾ എന്തൊക്കെയാണ് തന്റെ കുടുംബത്തോട് ചെയ്യുന്നത്…’

ഉത്തരം കിട്ടാത്ത ഒരായിരം സമസ്യ നീരജിന്റെ ഉള്ളിൽ ഒരു ഗോപുരം തന്നെ തീർത്തു…

എല്ലാവരുടെയും മുഖത്ത് നിഴലിക്കുന്ന ഭയം കണ്ട് ആനന്ദത്തോടെ അയാൾ പിന്നെയും തുടർന്നു…

“പറഞ്ഞു വന്നത് ഇതൊന്നും എനിക്കൊരു പുതുമയല്ല. അതുകൊണ്ട്, സത്യോം ധർമോം മുറുകെ പിടിച്ചു തന്റെ പഴേ വിപ്ലവത്തിനൊന്നും ഇറങ്ങണ്ടാ… പിന്നെ ദേ ഇവൻ… തന്റെ മോൻ നീരജ്… കോളേജിൽ ഇപ്പോഴേ ഇവൻ സഖാവ് നീരജ് എന്നാണ് അറിയപ്പെടുന്നത്… വല്ലാത്തൊരു വിത്തുഗുണം… ഇവനോടും പറഞ്ഞേക്ക് പിള്ളേരുടെ വിപ്ലവമുറകളും കൊണ്ട് ദേവജിയോട് എതിർക്കാൻ നിന്നാൽ പള്ളക്ക് കത്തി കേറുമെന്ന്… അപ്പൊ പറഞ്ഞ പോലെ… അടുത്ത 3 മാസം സമയം, ജൂൺ 24 നു ഞാൻ വീണ്ടും വരും… അന്ന് ഞാൻ പറഞ്ഞത് പോലെ നീ ചെയ്യും… അല്ലേടാ, ദിവാകരൻ മാഷേ…”

അതും പറഞ്ഞു അയാൾ നീരജിന്റെ അടുത്തേക്ക് വന്നു…

ദേവ്ജിയുടെ സഹായിയുടെ കൈകളിൽ കിടന്നു കുതറിക്കൊണ്ടിരുന്ന നീരജ് ഒരല്പസമയത്തേക്ക് നിശ്ചലനായി…