ദി ഡാർക്ക് ഹവർ 12{Rambo} 1709

അവർ രണ്ടാളും കയറിയതിനുശേഷം ആ വാതിൽ വലിച്ചടക്കപ്പെട്ടു..
തകർന്ന ഹൃദയത്തോടെ ആ കാഴ്ചക്ക് സാക്ഷിയായി ജോണും…!!!

എന്തുചെയ്യണമെന്നറിയാതെ തന്റെമുന്നിൽ വലിച്ചടക്കപ്പെട്ട വാതിലിന് കുറച്ചകലെ…. അവിടേക്ക് ഉറ്റുനോക്കിക്കൊണ്ട് നിർവികാരതയോടെ അവൻ നിലനിന്നു..

അവൾ തന്റേതാണെന്നതോന്നൽ… പതിയെ നുരഞ്ഞുപൊന്തിതുടങ്ങുന്നത് അവന് മനസ്സിലായി… തന്റെ പ്രിയപ്പെട്ടവളെ നഷ്ടപ്പെടുത്തുവാൻ അവന്റെ മനസ്സനുവധിക്കുന്നില്ലായിരുന്നു..
ഒരുവേള…ആ തോന്നൽ ജോണിന്റെ മനസ്സിൽ ചെറിയൊരു തീപ്പൊരി സൃഷ്ടിച്ചു..
പതിയെ കത്തിജ്വലിച്ചത് വർദ്ധിച്ചക്രോധമായി പരിണമിച്ചു..!!

വാതിൽ ചവിട്ടിത്തുറന്ന് നിത്യയെ സ്വന്തമാക്കുവാൻ അവന്റെ ഉള്ളം തുടിച്ചതും…ആ വാതിലിനടുത്തേക്ക് പാഞ്ഞടുത്ത് ചവിട്ടാനായി തന്റെ കാലോങ്ങി…

“”നോ…..!!

ഞാനെന്തിന് അവരെ തടസ്സപ്പെടുത്തണം..??

അവൾ എന്റെയാണെന്ന് മനസ്സിലുണ്ടെങ്കിലും.. അതവളോട് ഇതുവരെ അറിയിച്ചിട്ടുണ്ടോ..??

അവളുടെ സ്നേഹവും തന്റെയടുത്തുള്ള പെരുമാറ്റവും ഒരുപക്ഷേ ഞാൻ തെറ്റിദ്ധരിച്ചതാണെങ്കിൽ…??”””

അവനിലെ ക്രോധം പതിയെ കെട്ടടങ്ങി…
ചവിട്ടാനോങ്ങിയ കാലുകൾ…പതിയെ പിൻവലിച്ചുകൊണ്ട് ജോൺ പിന്നോട്ട്നീങ്ങി..

“”ഹമ്മ്…

അല്ലെങ്കിലും എന്നെയെന്തിന് ഇഷ്ടപ്പെടണം..?? ഒരു ജോലിയുണ്ടോ…??
കഴിവോ..??

അവനാണെങ്കിൽ കാണാനും കൊള്ളാം… നല്ല ചേർച്ചയുമുണ്ട്..!!
അതെ…അവളാണ് ശരി…!!!

അല്ലെങ്കിലും നിത്യയെപോലുള്ള കുട്ടിയെ തന്നെപ്പോലൊരാൾ ഇഷ്ടപ്പെട്ടതുതന്നെ തെറ്റാണ്…””
മനസ്സിനെ സ്വയം നിയന്ത്രിച്ചുകൊണ്ട് അവൻ തിരികെ നടന്നുതുടങ്ങി..

അവിടെ വന്നവരോട് സംസാരിച്ചുനിൽക്കുവാൻ അല്പം ശ്രമങ്ങളൊക്കെ നടത്തിയെങ്കിലും.. ചുറ്റും കാണുന്നതും കേൾക്കുന്നതും അവളെയാണെന്ന തോന്നൽ അവന്റെ മനസ്സിനെ നന്നായുലച്ചു…