ദക്ഷാർജ്ജുനം 4 [Smera lakshmi] 152

എന്നിട്ട്????

 

അവളെ കണ്ടു.

പക്ഷെ ഒന്നും പറഞ്ഞില്ല.

 

അതെന്താ…..

 

അപ്പോഴേക്കും ദക്ഷയുടെ അമ്മ അവളെ വിളിച്ചു.

 

അപ്പോൾ ഇനി നീ എങ്ങനെ അവളുടെ ഇഷ്ട്ടം അറിയും ??

 

നാളെ ദേവീക്ഷേത്രത്തിൽ വരാമെന്നവൾ പറഞ്ഞിട്ടുണ്ട്.

 

വന്നാലും ഇന്ന് കണ്ട അവളുടെ മുഖഭാവത്തിൽ നിന്നും എനിക്കനുകൂലമായൊരു മറുപടി കിട്ടാൻ സാധ്യതയില്ല ഏട്ടത്തി.

 

ദേവി അർജ്ജുനന്റെ തലയിൽ തലോടിക്കൊണ്ട്      പറഞ്ഞു.

 

മോനെ……നിന്റെ തോന്നൽ തെറ്റാണെന്ന് ഈ ഏട്ടത്തിയമ്മ പറയില്ല.

 

നിന്റെ മനസ്സ് എത്ര തന്നെ നല്ലതാണെങ്കിലും നിന്റെ കുടുംബം,

അതുമാത്രം മതി ഏതൊരു പെണ്ണിനെ കൊണ്ടും നിന്നെ ഇഷ്ടമില്ലെന്നു പറയിക്കാൻ.

 

അതുകൊണ്ടു തന്നെയല്ലേ ഏട്ടത്തി ഇത്രനാളും ഞാനെല്ലാം മറച്ചു വയ്ക്കാൻ കാരണം.

 

അവളെ കൈവിട്ടു പോകുമോ എന്ന എന്റെ ഭയത്തിൽ നിന്നാണ് ഇന്നെന്നെക്കൊണ്ട് ഇതിനെല്ലാം പ്രേരിപ്പിച്ചത്.

 

ഈ നശിച്ച തറവാടും അച്ഛനും ഏട്ടനും ആണ് എല്ലാത്തിനും കാരണം.

 

അരുത് മോനെ……

 

അറിയാതെയാണെങ്കിൽ പോലും ജന്മം തന്ന സ്വന്തം പിതാവിന്റെ ദോഷം പറയരുത്.

 

നീ നോക്കിക്കോ നാളെ ദക്ഷ നിന്നെ ഇഷ്ടമാണെന്ന് പറയും.

എന്റെ മനസ്സ് അങ്ങനെ പറയുന്നു.