ദക്ഷാർജ്ജുനം 4 [Smera lakshmi] 152

വസുന്ധരയുടെ ആ വാക്കുകൾ കേട്ട ദക്ഷയ്ക്ക് അർജ്ജുനന്റെ നുണക്കുഴികൾ തെളിയുന്ന ചിരി ഓർമ വന്നു.

 

ആ ഓർമയിൽ അവൾ അറിയാതെ അവളിൽ ഒരു പുഞ്ചിരി വിടർത്തി.

അതിനോടൊപ്പം ഒരു ഭീതിയും അവളിൽ ഉടലെടുത്തു..

 

😔😔😔😔😔😔😔😔😔😔😔😔😔😔😔

 

തിരികെ വീട്ടിൽ എത്തിയിട്ടും ദക്ഷ തീർത്തും അസ്വസ്ഥയായിരുന്നു.

 

കുറച്ചു കഴിഞ്ഞപ്പോൾ അവൾ കുളക്കടവിലേക്കു പോയി.

 

തണുത്ത വെള്ളത്തിൽ കാൽപ്പാദം മുക്കി വെച്ച് കൽപടവിൽ അവളിരുന്നു.

 

അൽപ്പ സമയം കഴിഞ്ഞ് വസുന്ധര അവളുടെ അടുത്തേക്ക് വന്നു.

 

നീ ഇവിടെ ഇരിക്കാണോ,

 

ഞാൻ എല്ലായിടത്തും തിരഞ്ഞു.

 

വസുന്ധര പരിഭവത്തോടെ ദക്ഷയോട് പറഞ്ഞു.

 

ദക്ഷ മറുപടി ഒന്നും പറഞ്ഞില്ല.

 

അല്ലാ…… ഇന്ന് കാലക്ഷേത്രയിൽ കുട്ടികൾ ഒന്നും വന്നില്ലേ?

 

വന്നു.

ഞാൻ അവരോട് തിരിച്ചു പൊയ്ക്കൊള്ളാൻ പറഞ്ഞു.

 

ഇതുകേട്ട് വസുന്ധര ദക്ഷയുടെ അടുത്തേക്ക് ചേർന്ന് ഇരുന്നു.

 

നിന്നെ ഇപ്പോൾ അലട്ടുന്നത് അർജ്ജുനേട്ടനല്ലേ.