ദക്ഷാർജ്ജുനം 4 [Smera lakshmi] 152

 

ഉം.

 

അവൾ ഒന്നു മൂളി.

 

നിനക്ക് അർജ്ജുനേട്ടനെ ഇഷ്ടമല്ലേ?

 

ദക്ഷ അതിനു മറുപടി നൽകിയില്ല.

 

അവൾ ദക്ഷയുടെ കൈപിടിച്ച് കൊണ്ട് പറഞ്ഞു.

 

ദക്ഷ…..

 

 നീ നാഗമഠത്ത് തറവാടിന്റെ ദോഷം നോക്കി ഇരിക്കേണ്ട.

 

ഇന്നലെ വന്നെന്നോട് ഇക്കാര്യം അർജ്ജുനേട്ടൻ പറയുമ്പോൾ ഞാനും ഇതാലോചിച്ചതാണ്.

 

പക്ഷേ ഞാൻ നിനക്ക് ഉറപ്പു തരുന്നു.

നീ ആരോട് ചോദിച്ചാലും അവരെല്ലാം പറയും നന്മയുള്ളവനാണ് നാഗമഠത്ത് അർജ്ജുനനെന്ന്.

 

വീട്ടുകാർ ചെയ്ത പാപം കാരണം ആ പാവം മനുഷ്യന്റെ മനസ്സ് നീ കാണാതിരിക്കരുത്.

 

എന്നിരുന്നാലും ഇത് നിന്റെ ജീവിതമാണ് സങ്കടമായാലും സന്തോഷമായാലും നീ തന്നെ അനുഭവിക്കണം.

 

ഇന്ന് കാവിൽ വരണമെന്നാ നീ അർജ്ജുനേട്ടനോട് പറഞ്ഞിട്ടുള്ളത്.

അതിനു മുൻപ് ഒരു തീരുമാനം നീ എടുക്കേണ്ടതുണ്ട്.

 

വസൂ…. 

 

എനിക്ക് അർജുനേട്ടന്റെ ഇഷ്ട്ടം മനസ്സിലാകാഞ്ഞിട്ടല്ല.

എനിക്ക് ഇഷ്ട്ടക്കുറവും ഇല്ല..

പക്ഷെ…

ഞാൻ എന്റെ സ്‌നേഹം മാത്രം നോക്കി നമ്മുടെ വീട്ടുകാർക്ക് സങ്കടം കൊടുക്കാൻ ഇഷ്ടപ്പെടുന്നില്ല.

 

നിനക്ക് അറിയാമല്ലോ 2 തറവാടുകൾ തമ്മിലുള്ള ശത്രുത.