ദക്ഷാർജ്ജുനം 4 [Smera lakshmi] 152

അവൻ പുഞ്ചിരിയോടെ അവൾക്കരികിലേക്കു നടന്നടുത്തു.

 

അവളുടെ മുഖത്തെ ഗൗരവം കണ്ട് തന്റെ പ്രണയം അവൾക്ക് സ്വീകാര്യമല്ലാത്തപ്പോലെ  അർജ്ജുനന് തോന്നി.

 

എങ്കിലും പ്രതീക്ഷ കൈവിടാതെ അവൻ ദക്ഷയോട് ചോദിച്ചു.

 

ദക്ഷാ…..എന്താ തന്റെ തീരുമാനം.

 

അത്….

 

അവൾ മറുപടി പറയാൻ തുടങ്ങവേ

 

ദക്ഷാ……എത്ര നേരായി നീ കാവിൽ പോയിട്ട് തിരിച്ചു വരാറായില്ലേ ??

 

എന്ന രേവതിയുടെ ശബ്ദം കേട്ടു.

 

അമ്മ ഇങ്ങോട്ട് വരുണ്ടെന്നു തോന്നുന്നു.

 

വേഗം ഇവിടുന്നു പൊയ്ക്കോളൂ.

 

എന്നും പറഞ്ഞു ദക്ഷ ധൃതി കൂട്ടി.

 

പക്ഷേ ദക്ഷാ…..

 

മറുപടിയല്ലേ ഞാൻ തരാം.

 

നാളെ ദേവീ ക്ഷേത്രത്തിൽ വന്നാൽ മതി.

 

അമ്മ വരുന്നതിനു മുൻപു ഇവിടെ നിന്നും പോകൂ.

 

അവളുടെ ധൃതി കണ്ട് അർജ്ജുനന് ചിരി വന്നെങ്കിലും അവൾ പറഞ്ഞത് കാര്യമായതു കൊണ്ട് അധികമൊന്നും പറയാതെ അവൻ കാവിൽ നിന്നും തിരിച്ചിറങ്ങി.

 

അൽപ്പസമയത്തിനു ശേഷം രേവതി വന്നപ്പോൾ കൈയിൽ ചിരാതുമായി,പേടിയോടെ നിൽക്കുന്ന ദക്ഷയെയാണ് കണ്ടത് .

 

നീയെന്താ മോളെ ഇങ്ങനെ പേടിച്ചു നിൽക്കുന്നത്,