ദക്ഷാർജ്ജുനം 4 [Smera lakshmi] 152

 

എന്താ… എന്തുപ്പറ്റി??

 

അത്……

അതമ്മേ ആ അരയാലിൽ നിന്നെന്തോ ശബ്ദം കേട്ടു.

 

ദക്ഷ ചൂണ്ടി കാട്ടിയ അരയാലിലേക്കു രേവതി നോക്കി.

 

ഓ….അതാണോ,

 

ഇതിനാണോ നീ ഇങ്ങനെ പേടിച്ചിരിക്കുന്നത് വാ പോകാം.

 

രേവതി നാഗത്താന്മാരെ തൊഴുത് ദക്ഷയേയും കൂട്ടി തിരിച്ചു തറവാട്ടിലേക്ക് നടന്നു.

 

???????????????

 

 

 

നാഗമഠത്തേക്കു കയറിച്ചെന്ന അർജ്ജുനൻ കാണുന്നത് തുളസിത്തറയിൽ വിളക്കു വയ്ക്കുന്ന ദേവിയെയാണ്.

 

തനിക്കു വേണ്ടി മാത്രം സ്വന്തം ഭർത്താവിന്റെ പീഡനങ്ങൾ ഏറ്റുവാങ്ങി ഒരു പരാതിയും പരിഭവവും പറയാതെ ജീവിക്കുന്ന തന്റെ ഏട്ടത്തിയമ്മ.

 

ഓരോന്നാലോചിച്ചു അർജ്ജുനൻ വീട്ടിനുള്ളിലേക്ക് കയറി.

 

മുറിയിൽ പോയിരുന്നു.

 

കുറച്ചു സമയം കഴിഞ്ഞപ്പോൾ ദേവി അവന്റെ മുറിയിൽ വന്നു .

 

ഇപ്പോൾ കാലു വേദനയ്ക്ക് കുറവുണ്ടോ??

 

അൽപ്പം ഭേദമുണ്ട് മോനേ.

ദേവി കട്ടിലിൽ അർജ്ജുനനരികിൽ ഇരുന്നു കൊണ്ട് പറഞ്ഞു.

 

നീ ആയില്യംക്കാവിൽ പോയോ??

 

ഉം,പോയി.