ദക്ഷാർജ്ജുനം 4 [Smera lakshmi] 152

ദക്ഷയെ അവിടെങ്ങും കണ്ടില്ല.

 

എന്നാൽ ഈ സമയം ക്ഷേത്രത്തിനടുത്തു എത്തിയിരുന്നു ദക്ഷയും വസുന്ധരയും.

 

ക്ഷേത്രത്തിലേക്ക് പ്രവേശിച്ചപ്പോൾ തന്നെ അവർ അർജ്ജുനന്റെ ഇടയ്ക്കയുടെ നാദം കേട്ടു.

 

അവരിരുവരും ക്ഷേത്ര അങ്കണത്തിലേക്കു പ്രവേശിച്ചു,

തൊഴുത് വലം വെച്ചു.

 

അവരെ  അർജ്ജുനൻ കണ്ടെങ്കിലും സംസാരം പുറത്തു വെച്ചാവാമെന്നതു കൊണ്ട് പരസ്പരം ചിരിച്ചു.

 

ക്ഷേത്രത്തിൽ നിന്നും പുറത്തിറങ്ങിയ ദക്ഷയും വസുന്ധരയുടെയും  അടുത്തേക്ക് ദേവി നടന്നടുത്തു.

 

ആ സമയം വസുന്ധര അവളുടെ ഉറ്റസുഹൃത്ത് കാർത്തികയെ കണ്ടു.

 

അവൾ ദക്ഷയോട് പറഞ്ഞ് കൂട്ടുകാരിയുടെ അരികിലേക്ക് നടന്നു.

 

ദേവി ദക്ഷയുടെ അരികിൽ വന്നു അവളുടെ കൈത്തലം പിടിച്ചു കൊണ്ട് പറഞ്ഞു.

ഞാൻ അർജ്ജുനന്റെ എട്ടത്തിയമ്മ ആണ്.

 

സുഖമാണോ മോളെ…..

 

അതേ സുഖമായിരിക്കുന്നു.

 

അർജ്ജുനൻ എന്നോട് കാര്യങ്ങളെല്ലാം പറഞ്ഞു.

 

യാതൊരു മുഖവുരയും ഇല്ലാതെ ദേവി പറഞ്ഞു തുടങ്ങി.

 

അവനെ മറ്റാരേക്കാളും എനിക്കറിയാം.

 

അവന്റെ അച്ഛന്റെയും ഏട്ടന്റെയും ദോഷം കണ്ട് മോള് അവനും തെറ്റുകാരനാണെന്നു വിചാരിക്കരുത്.