ദക്ഷാർജ്ജുനം 3 [Smera lakshmi] 177

ശിവക്ഷേത്രത്തിലേക്കു പോകുന്ന വഴിയും കടന്ന് വസു വീണ്ടും മുൻപോട്ടു പോകുന്നത് കണ്ട ദക്ഷ അവളെ പിടിച്ചു നിർത്തി.

 

ഇതെന്തു പറ്റി വസു….നീ എങ്ങോട്ടേക്കാ ഈ പോവുന്നെ നമുക്ക് പോവേണ്ട വഴി ഇതല്ലേ.

 

ഒരു കാര്യമുണ്ട് ദക്ഷാ.ഇന്ന് നമ്മൾ അങ്ങോട്ടേക്ക്  അല്ല 

ശ്രീ ഭദ്രകാളി ക്ഷേത്രത്തിലേക്കാണു പോകുന്നത്.

 

അത് കുറച്ചകലെ അല്ലെ തിരിച്ചു എത്തുമ്പോൾ വൈകില്ലേ  ദക്ഷ ചോദിച്ചു..

 

അതൊന്നും സാരമില്ല.നമുക്ക് വേഗം പോയി വരാം.

 

എന്നിട്ടും അവിടെ തന്നെ നിൽക്കുന്ന വസുവിനെ കണ്ട് ദക്ഷ എന്തുപറ്റി വസു ഇന്നലെ തുടങ്ങിയതാണല്ലോ ഒരാലോചന  ഇനി ഞാനറിയാത്ത എന്തെങ്കിലും നിന്റെ മനസ്സിലുണ്ടോ  അവളുടെ താടി പിടിച്ചുയർത്തി  ദക്ഷ ചോദിച്ചു.

 

പെട്ടെന്ന് വസു ദക്ഷയെ കയ്യിൽ പിടിച്ചു കൊണ്ട് പറഞ്ഞു.

 

ദക്ഷേ….ഇന്നുവരെ നമ്മൾ തമ്മിൽ ഒന്നും മറച്ചു വെച്ചിട്ടില്ല. 

 

എന്നാൽ, ഇന്നലെ ഞാൻ അറിഞ്ഞ ഒരു കാര്യം ഇന്നീ നേരം വരെ എന്റെ മനസ്സിൽ വെച്ചതിന്റെ ബുദ്ധിമുട്ട് നിക്കേ അറിയൂ.

 

വസുന്ധര സങ്കടത്തോടെ പറഞ്ഞു.

 

അതിനിപ്പോ നീയെന്താ എന്നോട് മറച്ചു വെച്ചത്.

 

ദക്ഷ നിറകണ്ണുകളോടെ ചോദിച്ചു.

 

അത് ഒന്നുമില്ലെടി.

 

അതെന്താണെന്ന് നീ അറിയാനാണ്  ഞാൻ നിന്നെ ഇപ്പൊ കൊണ്ട് പോവുന്നത്.

 

വസുന്ധര പുഞ്ചിരിയുടെ മൂടുപടം അണിഞ്ഞു.