ദക്ഷാർജ്ജുനം 3 [Smera lakshmi] 177

അവൾ തങ്ങളെയും നോക്കി പുഞ്ചിരിക്കുകയാണ്.

 

ദക്ഷാ…..

 

അർജ്ജുനൻ വീണ്ടും അവളെ വിളിച്ചു.

 

അവൾ അവനെ നോക്കി.

 

നീ വസുന്ധരയെ നോക്കേണ്ട ഞാൻ പറഞ്ഞിട്ടാ അവൾ തന്നോട് ഒന്നും പറയാതിരുന്നത്.

 

എല്ലാം ഞാൻ പറയാം.

 

എന്താ….. എന്താ നിങ്ങൾക്ക് പറയാനുള്ളത്,വേഗം പറയൂ ഞങ്ങൾക്ക് വീട്ടിൽ പോകാൻ തിടുക്കമുണ്ട്,സമയം ഒരുപാടായി.

 

ദക്ഷ അവനോടു ദേഷ്യഭാവത്തിൽ പറഞ്ഞു.

 

വളച്ചുകെട്ടില്ലാതെ തന്നെ ഞാൻ പറയാം,

ചെറുപ്പം മുതലേ എനിക്ക് തന്നെ ഇഷ്ടമായിരുന്നു.

 

ഞാൻ വളരുന്നതിനനുസരിച്ചു നീയറിയാതെ നിന്നോടുള്ള എന്റെ പ്രണയവും വളർന്നു.

 

പിന്നെ നമ്മുടെ തറവാട്ടുകാർ തമ്മിലുള്ള ശത്രുത അതാണ് ഇത്രയും നാൾ എന്നെ നിന്നോടിത് പറയാൻ വിലക്കിയത്.

 

ഒടുവിൽ ഇനിയും ഇത് മനസിൽ കൊണ്ടു നടക്കാൻ വയ്യാത്തതു കൊണ്ടാണ് എല്ലാം ഇന്നലെ വസുന്ധരയോട് തുറന്നു പറഞ്ഞത്.

 

അപ്പോൾ അവളാണ് എല്ലാം നീയറിയണമെന്നും നിന്നെയും കൂട്ടി ഇന്ന് ഇവിടെ വരാമെന്നും പറഞ്ഞത്.

 

ഇനി ഞാൻ എല്ലാം നിനക്ക് വിട്ട് തന്നിരിക്കുന്നു.

 

നിനക്ക് എന്നെ ഇഷ്ടമാണെങ്കിൽ തറവാടിന്റെ ശത്രുത നോക്കേണ്ട കാര്യമില്ല.

 

അർജ്ജുനൻ പറഞ്ഞു നിർത്തി.