ദക്ഷാർജ്ജുനം 3 [Smera lakshmi] 177

എന്താ വസു…….

 

ദക്ഷ ഉറക്കച്ചടവോടെ ചോദിച്ചു.

 

എണീക്ക് നമുക്ക് കുളത്തിൽ പോയി കുളിച്ചു വരാം.

 

ദക്ഷ വസുവിനെ അത്ഭുതത്തോടെ അടിമുടി ഒന്നു നോക്കി.

 

നീയെന്താ നോക്കുന്നെ.

 

അല്ലാ…..ഞാൻ കുളി കഴിഞ്ഞു വന്നാലും മടി പിടിച്ചു മൂടി പുതച്ചു കിടന്നുറങ്ങുന്ന നീയാണോ ഈ പറയുന്നേ, അതും ഈ പുലർച്ചെ നാലുമണിക്ക്.

 

അത്…..ഒന്നുമില്ല.

 

 

അവൾ നിന്നു പരുങ്ങി.

 

നിനക്കെന്തു പറ്റി വസു….

ഇന്നലെ മുതൽ നീ എന്നോടെന്തോ മറയ്ക്കുന്നത് പോലെ എനിക്ക് തോന്നുന്നു അതെന്റെ തോന്നൽ മാത്രമാണോ????

 

ദക്ഷ സങ്കടത്തോടെ ചോദിച്ചു.

 

ഒന്നുമില്ല ദക്ഷാ നിനക്ക് തോന്നുന്നതാ.

 

ഞാൻ അച്ഛനെയും അമ്മയെയും സ്വപ്നം കണ്ട് ഞെട്ടിയുണർന്നതാ. 

 

പിന്നെ കിടന്നിട്ട് ഉറക്കം വന്നില്ല,എങ്കിൽ നമുക്ക് ക്ഷേത്രത്തിൽ പോവാം എന്നു വിചാരിച്ചു അതാ നിന്നെ വിളിച്ചത്.

 

ശെരി നമുക്ക് പോവാം.

 

ദക്ഷ അരുമയോടെ വസുന്ധരയുടെ കവിളിൽ തലോടി.