കടപ്പാട് :: ഒറ്റ പാർട്ടുള്ള കൊച്ചുകഥ ഓൺലൈനിൽ    പരിചയപ്പെട്ട പ്രിയ സുഹൃത്തിനു സമർപ്പിക്കുന്നു

തത്ത

thatha | Author : അപ്പൂസ്

♥️♥️♥️♥️

 

View post on imgur.com

“ഏട്ടാ…”

രണ്ടാമത്തെ വട്ടം വിളിച്ചപ്പോൾ ആണ് ജീവേട്ടൻ ഫോൺ എടുക്കുന്നത്….

“എന്തിയേടി…”

അപ്പുറത്ത് പുറകിൽ നിന്ന് ഉയരുന്ന കലപില ശബ്ദത്തിനിടക്ക് കൃഷ്ണ ഏട്ടനോട് പറഞ്ഞു…

“എന്റെ അമ്മക്ക് തീരെ വയ്യാ…”

“അതിന്… ഞാനല്ലല്ലോ ഡോക്ടർ….”

അയാളുടെ വായിൽ നിന്നു വന്ന വാക്കുകളിലെ പരിഹാസം കണ്ടില്ലെന്ന് വച്ചു അവൾ തുടർന്ന് പറഞ്ഞു….

“അതല്ല ഏട്ടാ..ആശുപത്രീ കൊണ്ടോയെ പറ്റൂ ഏട്ടാ… എന്റേലാണേ ചില്ലി കാശില്ല…. എത്ര നാളായെ ഏട്ടൻ കാശയച്ചിട്ട്…. ഇച്ചിരി കാശ്..”

നിറഞ്ഞു തുടങ്ങുന്ന കണ്ണുകൾ ഇടംകൈ കൊണ്ടു തുടച്ചു മുടി ഒന്നോതുക്കി കൊണ്ടവൾ വീണ്ടും യാജിച്ചു…

“കൃഷ്ണേ, എത്ര വട്ടമ്പറഞ്ഞട്ട്ണ്ട്… ശമ്പളം കിട്ടിയാ അയക്കാംന്ന്… ഇവിടെ അരി വാങ്ങാൻ കാശ് ഇല്ലാണ്ട് ഇരിക്കാ… നീ വച്ചേ.. ഞാൻ ഇച്ചിരി തെരക്കിലാ….”

“അവടെ കള്ള്കുടി സഭ ആണല്ലോ, പിന്നെങ്ങിനാ തിരക്കിൽ ആവാണ്ടിരിക്കാ….”

“ദേ… ഇതാ നിൻ്റെ പ്രശ്നം… ഞാനിവിടെ ബിസിനസ് കാര്യത്തിന് മീറ്റിംഗ് നടത്താനും പാടില്ലേ??”

“ഏട്ടന് മീറ്റിംഗ്…. കള്ളുകുടി…. ഒക്കെ നടക്കണ് ണ്ടല്ലോ… ഇവിടെ എങ്ങനെ കഴിയുന്നു എന്നാലോചിച്ചോ.. നാല് മാസായി ഒരു രൂപ അയച്ചട്ട്…”

“നിന്റെ അച്ഛനിണ്ടാക്കിയതൊന്നും അല്ലാലോ..”

അല്ലാതെ??? എന്റേ അച്ഛന്റെന്ന് സ്ഥലം വിറ്റ കാശും വാങ്ങിയല്ലേ പോയതും ഇപ്പോൾ കുടിക്കുന്നതും എന്നൊക്കെ ചോദിക്കണം എന്നുണ്ടായിരുന്നു… പക്ഷേ അമ്മയുടെ കാര്യത്തിന് പണം വാങ്ങിയെ മതിയാവൂ കൃഷ്ണക്ക്…. അതുകൊണ്ടവൾ ഒന്നുകൂടടി ചോദിച്ചു…

“ഏട്ടാ ഇച്ചിരി എങ്കിലും…. ഒറ്റ പൈസ ഇല്യാഞ്ഞിട്ടാ…. അമ്മേടെ കാര്യം ആയോണ്ടാ….”

“ആ തള്ളക്ക് അതെന്നെ വേണം… ഇങ്ങനെ ഒരു മച്ചി പശൂനെ തലേ കെട്ടി വച്ചതല്ലേ…. ഇച്ചിരി തൊലി വെളുപ്പ് ഒള്ളത് കാണിച്ചെന്നെ മയക്കും ചെയ്തു…”

അപ്പുറത്ത് ഉയരുന്ന വഷളൻ ചിരികൾക്കിടയിൽ അത് കേട്ട് വിതുമ്പാൻ തുടങ്ങുന്ന ചുണ്ടുകളെ നിയന്ത്രിച്ച് അവളൊന്നും കൂടി യാജിക്കാൻ ശ്രമിച്ചു…

“ന്താടാ… നിനക്ക് വേണോടാ അവളെ…”