ഡെറിക് എബ്രഹാം 8 [അഹമ്മദ് ശഫീഖ് ചെറുകുന്ന്] 241

പക്ഷേ, അപ്പോഴാണ് ആ നടുക്കുന്ന വാർത്ത ഞങ്ങളറിഞ്ഞത്..
ഇന്നലെ ഇറങ്ങിയ എല്ലാ ദിനപത്രങ്ങളിലെയും വാർത്ത ഇത് തന്നെയാണ്…കളക്ടറുടെ കുടുംബത്തിലെ എല്ലാവരും മരണപ്പെട്ടെന്ന്… അതായത് അന്ന് നിങ്ങൾ ഊട്ടിയിൽ പോയി വരുന്നത് വരെ കാത്തു നിൽക്കുകയായിരുന്നു അവർ…കാർ മാറ്റി ബുള്ളറ്റെടുത്തു പോയത് കൊണ്ടാകാം , നിങ്ങൾ വീട്ടിലില്ലാത്ത കാര്യം അവർക്ക് മനസ്സിലാകാതിരുന്നത്….
അതിനേക്കാൾ ഞങ്ങളെ ഞെട്ടിച്ചത് വേറൊരു സംഭവമായിരുന്നു…
എല്ലാ പ്രസ്സുകളിലും എഡിറ്റോറിയൽ ബോർഡാണ് പിറ്റേന്നിറങ്ങുന്ന ദിനപത്രത്തിന്റെ വാർത്തകൾ വായിച്ചു പ്രിന്റ് ചെയ്യാൻ വേണ്ടി പ്രസ്സിലേക്ക് അയക്കുന്നത്…. അവർ അപ്പ്രൂവ് ചെയ്യുന്നത് വരെ ഈ വാർത്ത അതിലില്ലായിരുന്നു….
അതായത് , ഫസ്റ്റ് പ്രിന്റിന്റെ സമയത്ത് സ്ഫോടനം പോലും നടന്നിട്ടില്ലയെന്ന ഞെട്ടിക്കുന്ന സത്യം പിന്നീട് അന്വേഷണത്തിൽ മനസ്സിലാവുകയായിരുന്നു…സ്ഫോടനം നടക്കുന്നതിന് മുന്നേ ആ വാർത്ത പേപ്പറുകളിൽ പ്രിന്റ് ചെയ്തു എന്നതാണ് സത്യം….രാവിലെ വാർത്ത കണ്ടപ്പോഴാണ് എഡിറ്റർ ബോർഡടക്കം എല്ലാവരും ഞെട്ടിയത്..ഓഫീസുകളിലെ ക്യാമറ ചെക്ക് ചെയ്തപ്പോൾ നിന്റെ വീട്ടിലുണ്ടായ അതേ അവസ്ഥ തന്നെയായിരുന്നു അവിടെയും….അപ്പോഴേക്കും ,അവർ ക്യാമറ ഹാക്ക് ചെയ്തു കഴിഞ്ഞിരുന്നു….”

ആദി ഇതൊക്കെ സൂക്ഷ്മതയോടെ കേൾക്കുകയായിരുന്നു….താൻ പ്രതീക്ഷിച്ചതൊന്നുമല്ല നടന്നതൊക്കെയെന്ന് അവൻ ഓരോ നിമിഷം കഴിയുന്തോറും മനസ്സിലാക്കുകയായിരുന്നു…
മധു എംഎൽഎ പറഞ്ഞതിന്റെ ബാക്കി തുടർന്നത് CM ആയിരുന്നു…

“അത്രമേൽ ശക്തരാണ് അവർ…. എല്ലായിടത്തും ഒരുപാട് പിടിപാടുള്ളവർ….. ഞങ്ങൾ അവരെ സമീപിച്ച രീതി കുറച്ചു ദുർബലമായിപ്പോയിയെന്ന് തോന്നുന്നു… തന്റെ വീട്ടിൽ സ്ഫോടനം നടക്കുന്നതിന് മുന്നേ തന്നെ ,അവർ പത്രത്തിൽ വാർത്ത പോലും കൊടുത്തു കഴിഞ്ഞിരിക്കുന്നു…എന്നിട്ടും പോലീസിനോ ഇന്റലിജൻസിനോ ഒന്നും ചെയ്യാൻ പറ്റിയില്ല…നിസ്സഹയരായി നോക്കി നിൽക്കാനേ പറ്റിയുള്ളൂ..
അവരിതൊക്കെ ചെയ്തത് അവർ ശക്തരാണെന്ന് കാണിച്ചു തരാൻ വേണ്ടിയാണ്…
അത് കൊണ്ട് തന്നെ , ഇനി നമ്മുടെ മുന്നോട്ടുള്ള നീക്കം കരുതലോട് കൂടിയായിരിക്കണം….