ഡെറിക് എബ്രഹാം 8 [അഹമ്മദ് ശഫീഖ് ചെറുകുന്ന്] 241

കുറേ നേരം അവളാ ഫീലിൽ മുഴുകിയിരുന്നു….കുറച്ച് സമയത്തിന് ശേഷം ദൂരെ നിന്ന് CM ന്റെ കാർ വരുന്നത് കണ്ടപ്പോൾ ആദി അവളുടെ കൈയും വിടുവിച്ചു കൊണ്ട് അവിടുന്നെണീറ്റു…. പെട്ടെന്ന് ചാന്ദ്നിക്ക് ഒന്നും മനസ്സിലായില്ലെങ്കിലും അവന്റെ നോട്ടം പോയ വഴി നോക്കിയപ്പോൾ അവൾക്കും കാര്യം പിടികിട്ടി..അവളും അവിടുന്നെണീറ്റ് അരികിലുള്ള ബാത്‌റൂമിൽ പോയി മുഖം കഴുകി വന്നു….

കാർ വന്നു കഴിഞ്ഞ്, ഇത്തിരി വൈകിയാണ് CM ഉം മധുവങ്കിളും ഓഫീസിനടുത്തേക്ക് വന്നത്… അപ്പോഴാണ് ആദിയും ചാന്ദ്നിയും പുറത്ത് നിൽക്കുന്നതവർ കണ്ടത്…

“ആദീ… നിങ്ങളോട് അകത്തിരിക്കാനല്ലേ പറഞ്ഞത്…എന്താ പുറത്ത് നിൽക്കുന്നേ…? ”

“ഇല്ല സാർ.. വല്ലാത്തൊരു വിങ്ങിപ്പൊട്ടൽ… അത് കൊണ്ട് പുറത്തേയ്ക്കിറങ്ങിയതാണ്..”

“അകത്തേക്ക് വാ ”

ആദിയും പിന്നാലെ ചാന്ദ്നിയും അകത്തേക്ക് നടക്കാൻ തുടങ്ങി….

“ചാന്ദ്നീ…. ഒരു മിനിറ്റ്… ഏതായാലും നീ ഇവിടെയിരിക്ക്…ഞാൻ വിളിക്കാം..”

മധുവങ്കിളിന്റെ ആ വാക്കുകൾ ആദിയെ വല്ലാതെ വേദനിപ്പിച്ചു…അവൻ അവളെയും നോക്കിയവിടെ തന്നെ നിന്നു…. അവൾ ചിരിച്ചും കൊണ്ട് താനിവിടെ തന്നെയുണ്ടെന്നും വേഗം പോയിട്ട് വാ എന്നും ആംഗ്യത്തിൽ അവനോട് മൊഴിഞ്ഞു…. മനസ്സ് തീരെ അനുവദിച്ചില്ലെങ്കിലും ചാന്ദ്നി പറഞ്ഞു തന്ന വാക്കുകൾ അവനെ അകത്തേക്ക് പ്രവേശിപ്പിച്ചു… പിന്നാലെ മധുവങ്കിളും ഓഫീസിലേക്ക് കയറിയതിന് ശേഷം വാതിൽ മെല്ലെയടക്കപ്പെട്ടു…

( തുടരും )