ഡെറിക് എബ്രഹാം 4 [അഹമ്മദ് ശഫീഖ് ചെറുകുന്ന്] 205

അങ്ങ് തുടച്ചു കളഞ്ഞേക്ക്…
എവിടെപ്പോയാലും നിനക്ക് ഇത് തന്നെയാണല്ലോ ടീ അവസ്ഥ..”

“പോടാ… മരമാക്രീ ”

അവൾ ചമ്മലും ദേഷ്യവും സങ്കടവും സംയോജിപ്പിച്ചിട്ട് അവന്റെ പിന്നാലെ നടന്നു..
അങ്ങനെ അവർ തിരിച്ചു പോകാനായി കാറിനരികിലേക്ക് പോയി….അപ്പോഴേക്കും നേരം ഇരുട്ടിയിരുന്നു..

അധികം വൈകാതെ തന്നെയവർ മധുവങ്കിളിനോട്‌ യാത്രയും പറഞ്ഞു നാട്ടിലേക്ക് തിരിച്ചു..എസ്കോട്ടായി പോലീസിനെ വിടാമെന്ന് പറഞ്ഞുവെങ്കിലും പതിവ് പോലെ അവരത് നിരസിച്ചു…

കുറച്ചു ദൂരം മുന്നോട്ട് നീങ്ങിയപ്പോൾ അനുപമയുടെ ഫോൺ റിങ് ചെയ്തു…
CM ആയിരുന്നു ലൈനിൽ..

“ഗുഡ് ഈവനിങ് സാർ ”

” ഹാ… ഗുഡ് ഈവനിങ്… അനുപമ എവിടെയാണിപ്പോൾ? ”

“സാർ… ചെന്നൈയിൽ നിന്ന് തിരിച്ചു…രാവിലെയെത്തും ”

“ഹാ.. വീട്ടിൽ പോകുന്നതിന് മുമ്പ് എന്നെയൊന്ന് കാണണം… ഞാൻ വീട്ടിലുണ്ടാകും…
ഹാ…പിന്നേ..
വരുമ്പോൾ അനിയനും കൂടെ ഉണ്ടായിക്കോട്ടെ… ”

” ഓക്കേ സാർ ”

ഫോൺ വെച്ചപ്പോൾ അനു വീണ്ടും കണ്ണാടിയിലൂടെ ആദിയെ നോക്കിപ്പേടിപ്പിക്കാൻ തുടങ്ങി…

“ഇതെന്താ വീണ്ടും നോക്കിക്കോണ്ട്‌ നിക്കുന്നെ…ഞാനിപ്പോൾ ഒന്നും ചെയ്തില്ലല്ലോ…”

“എന്താ ചേച്ചീ… ആരാ വിളിച്ചത് ? ”

” CM ആണ്… നേരെ ഇവനെയും കൂട്ടി അങ്ങേക്ക് കെട്ടിയെടുക്കണം പോലും…. ഇനി അവിടെയെന്താമ്മോ… ആ മധുവങ്കിളിനെ പറഞ്ഞു വിടാൻ പെട്ട പാട് എനിക്കേ അറിയൂ… അങ്കിളിനോട്‌ പറഞ്ഞു പറഞ്ഞു ക്ഷീണം പിടിച്ചു… ഇനി അടുത്തത്… ഇതെന്താണാവോ ദേവ്യേ “