ഡെറിക് എബ്രഹാം 4 [അഹമ്മദ് ശഫീഖ് ചെറുകുന്ന്] 205

“എന്ത് കാണാൻ..കൂടി വന്നാൽ ഞാനങ്ങ് മേലോട്ടേക്ക് പോവും… അത്രയല്ലേയുള്ളൂ…
ഹാ… ടാ…. നീ കാരണം എല്ലാവരുടെ മുന്നിലും ഇങ്ങനെ ഓച്ഛാനിച്ചു നിൽക്കുന്നതിനേക്കാൾ നല്ലത് ചത്തു പോക്കാണ് ”

ഇതും പറഞ്ഞു ദേഷ്യത്തോടെ അനുപമ അവിടുന്ന് പുറത്തേക്കിറങ്ങി…സംഗതി സീരിയസാകുമെന്ന് തോന്നിയപ്പോൾ ചാന്ദ്നിയും അനുവിന്റെ പിന്നാലെ പോയി…

“ചേച്ചീ… അവിടെ നിക്ക്… പോകല്ലേ…ഒന്ന് ചോദിക്കട്ടെ ”

“ഹാ ടീ…. പറ ”

“ചേച്ചീ…. ആദി അങ്ങനെ വന്നില്ലായിരുന്നെങ്കിൽ നമ്മുടെ അവസ്ഥ ചിന്തിച്ചു നോക്കിയേ…
അവനെ നല്ലത് പറയേണ്ട… ഓക്കേ…
പക്ഷേ , ഇങ്ങനെ കുറ്റപ്പെടുത്തണമായിരുന്നോ ? ”

അനുപമ ചുറ്റുപാടുമൊന്ന് നോക്കി…

” ഹഹഹ… നീ എന്തറിഞ്ഞിട്ടാണ് പെണ്ണേ…. ഇതൊക്കെ സീരിയസാണെന്ന് വിചാരിച്ചോ നീ..എന്നോട് മധുവങ്കിൾ അവനെ ചീത്ത പറയണമെന്ന് പറഞ്ഞിട്ടാണ് പുറത്തേക്ക് പോയത്..
ഞാൻ അവനോടെന്താ പറയുന്നതെന്ന് കാണാൻ ആ വാതിലിന്റെ വിടവിലൂടെ ഒളിഞ്ഞു നോക്കുന്നുണ്ടായിരുന്നു… അങ്കിളിനെ കാണിക്കാനുള്ള മാസ്മരിക പ്രകടനമായിരുന്നില്ലേ ഇതൊക്കെ… അതവനുമറിയാം.. നിനക്കേ മനസ്സിലാകാതെയുള്ളൂ..ഞാൻ പുറത്തേക്ക് വരുന്നത് കണ്ടപ്പോഴാണ് അങ്കിൾ പോയത്… ”

ചാന്ദ്നി ആകെ ചമ്മി നിന്നു….അനുപമ ചിരിച്ചും കൊണ്ട് അവളുടെ തലയിൽ തടവിക്കൊണ്ട് പുറത്തേക്ക് പോയി…

” അയ്യേ…പെണ്ണ് ചമ്മിപ്പോയി..ല്ലേ…..