ഡെറിക് എബ്രഹാം 4 [അഹമ്മദ് ശഫീഖ് ചെറുകുന്ന്] 206

അവൾക്ക് ഒന്നും പിടികിട്ടുന്നുണ്ടായിരുന്നില്ല….അവളുടെ അന്താളിപ്പ് കണ്ടിട്ട് ആദി അവളെ നോക്കി ഒരു കള്ളച്ചിരി ചിരിച്ചു… അതിൽ നിന്ന് തന്നെ,അവനെന്തോ കുരുത്തക്കേട് കാണിച്ചുവെന്നവൾക്ക് മനസ്സിലായി..

“ടാ…. ഇനി നീ ശരിക്കുമെന്നെ പീഡിപ്പിച്ചോ? ”

“പോടീ… കക്കൂസ് പൊളിച്ച് ആരെങ്കിലും ജയിലിൽ പോകോ ? ”

“ഛീ… വൃത്തികെട്ടവൻ ”

എന്നും പറഞ്ഞു അവന്റെ പുറത്തെന്നെ കനക്കെയൊരു അടി കൊടുത്തു… അപ്പോഴേക്കും അനുപമയും മധുവങ്കിളും അവിടേക്ക് വന്നു…ആദിയെ കണ്ടപ്പോൾ തന്നെ ദേഷ്യം പിടിച്ചു അങ്കിൾ പുറത്തേക്ക് പോയി.

“ഹാ… നീ എണീറ്റോ മോളൂ ? ”

” ചേച്ചീ…നമ്മളെന്താണിവിടെ ? ”

“അതൊക്കെ പറയാം… എങ്ങനെയുണ്ട് നിന്റെ വേദന…. പേടിച്ചത് കൊണ്ടാണ് ബോധം പോയതെന്ന് ഡോക്ടർ പറഞ്ഞു… പിന്നെ ഇവിടെയുള്ള ഹോസ്പിറ്റലുകളൊന്നും അത്ര സുരക്ഷിതമല്ല… അതാണ് നിന്നെ അഡ്മിറ്റ്‌ ആക്കാതിരുന്നത് ”

” വേദനയൊന്നും പ്രശ്നമില്ല ചേച്ചീ…നമ്മളെന്താ ഇവിടെ എന്ന് പറ ”

അനുപമ ദേഷ്യത്തോടെ ആദിയെ നോക്കി..ഞാനൊന്നുമറിഞ്ഞില്ലേ രാമനാരായണാ എന്ന മട്ടിൽ ചേച്ചിയുടെ മറുപടിക്കായ് അവനും കാതോർത്തിരുന്നു….

“ഇങ്ങനെയുള്ള അനിയന്മാരുണ്ടെങ്കിൽ എന്നെ പോലെയുള്ള ചേച്ചിമാർ പോലീസ് സ്റ്റേഷനിൽ എന്നും കയറിയിറങ്ങേണ്ടി വരും ”

“എനിക്കൊന്നും മനസ്സിലായില്ല ചേച്ചീ ”

“നമ്മളിവനെ ആ ഗ്രൗണ്ടിൽ നിർത്തി വന്നില്ലേ… രണ്ട് മൂന്ന് പോലീസുകാരെ കാവലിനാക്കീട്ട് “