ഡെറിക് എബ്രഹാം 26 [അഹമ്മദ് ശഫീഖ് ചെറുകുന്ന്] 149

“നിന്നോടല്ലേ പറഞ്ഞത്.. മതിയെന്ന്…”

ആ കല്പന കൂടി വന്നപ്പോൾ , സ്റ്റീഫനോടുള്ള കോപമൊട്ടുമടങ്ങാതെ ഡെറിക് ഉള്ള വീറു മുഴുവനുമെടുത്ത് , അവനെ ആഞ്ഞു ചവിട്ടി.. ആ ശക്തിയിൽ അവൻ വളരെ ദൂരേക്ക് തെറിച്ചു വീണു…

അതൊന്നും ശ്രദ്ധിക്കാതെ ഡെറിക് അങ്കിളിനരികിലേക്ക് ഓടിപ്പോയി…

“ഗീത…നീയെന്താണ് അങ്കിളിനെ കൊണ്ടു പോകാത്തത്..?

അങ്കിൾ…. എന്താണിത്…?

ആശുപത്രിയിലേക്ക് പോ..”

“നിനക്ക് മാത്രമാണോ അവനോട് പക തീർക്കേണ്ടത്..

ഇല്ലാത്ത ആരോഗ്യവും വെച്ച് ഞാനിവിടെയെത്തിയത് , ആശുപത്രിയിൽ പോയി കിടക്കാനല്ല…

എന്ത്യേ…നിന്നോടിനി പ്രത്യേകിച്ച് പറയണോ , അവനെ തീർത്തിട്ട് വരാൻ..? ”

അപ്പോഴേക്കും , നേഹ തോക്കെടുത്തു കൊണ്ട് ഡെറിക്കിന് കൊടുത്തു… അജിയും സേവിയും , സ്റ്റീഫനെ പിടിച്ചു കൊണ്ടു വന്ന് , ഡെറിക്കിന് മുന്നിൽ നിർത്തി..

വീണ്ടുമൊരു വാക്പോരിന് അവസരം നൽകാതെ , ഡെറിക് കാഞ്ചിയിലേക്ക് കൈ വെച്ചു…

പെട്ടെന്നാണ് ക്ലബ്ബിന് പുറത്ത് , വണ്ടികളുടെ കലപില ശബ്ദം കേട്ടത്….

ഒരു നിമിഷം അത് ശ്രദ്ധിച്ച ഡെറിക് , വീണ്ടും സ്റ്റീഫനിലേക്ക് തിരിഞ്ഞു… എന്നാൽ തുറന്നു വെച്ചിട്ടുണ്ടായിരുന്ന വാതിലിൽ കൂടി ഒരു കൂട്ടം ആളുകൾ അകത്തേക്ക് ഓടിയടുക്കുന്നത് കണ്ടപ്പോൾ ഡെറിക്കിന്റെ കൂടെ മറ്റുള്ളവരും പകച്ചു നിന്നു പോയി…

( തുടരും)