ഡെറിക് എബ്രഹാം 12 [അഹമ്മദ് ശഫീഖ് ചെറുകുന്ന്] 167

“അങ്ങനെയല്ല അങ്കിൾ….”

“അങ്ങനെയല്ലെങ്കിൽ പിന്നെങ്ങനെ…

നീ സ്വയം തരം താഴരുത്…പണ്ടത്തെപ്പോലെ ഒരു ജോലിയുമില്ലാതെ തെക്ക് വടക്ക് നടക്കുന്ന ആദിയല്ല നീ… നിന്റെ മേൽ ഇപ്പോഴുള്ള ഉത്തരവാദിത്തം എത്ര വലുതാണെന്ന് നിനക്കറിയാല്ലോ…

ഞാനൊരു കാര്യം പറയാം.. അതനുസരിച്ചാൽ മതി….

സീതയെയും കുട്ടികളെയും നേരെ ചെന്നൈയിൽ സരസ്വതി മാമിയുടെ അടുത്തേക്ക് അയക്കുക…

നാളെ രാവിലെയുള്ള ഫ്ലൈറ്റിന് ഞാനവർക്ക് ടിക്കറ്റ് ബുക്ക്‌ ചെയ്യുന്നുണ്ട്….”

“നാളെയോ…. കുറച്ചു ദിവസം കൂടി കഴിയട്ടെ അങ്കിൾ….”

“പറ്റില്ല…. നിനക്ക് വേണ്ടി ആ കുട്ടികളുടെ ഭാവി കളയാൻ ഞാനൊരുക്കമല്ല…”

” അവരില്ലാതെ എങ്ങനെയാണ് ഞാനിവിടെ നിൽക്കുന്നത്….

അവർക്കൊരു ആവശ്യം വന്നാൽ എന്താ ചെയ്യുക ?

ഇവിടെയാകുമ്പോൾ ഏത് സമയം വേണമെങ്കിലുമെനിക്ക് ഓടി വരാമല്ലോ….”

” അവരില്ലാതെ ഞാനെങ്ങനെയാണ് നിൽക്കുക , ഞാനില്ലാതെ അവരെങ്ങനെയാ നിൽക്കുക….