ജോക്കർ [ആൽബി] 1094

അന്തോണി, ദേണ്ടെ ആ കൊച്ചു വിളിക്കുന്നു. കരയുന്നുണ്ട് പാവം.

കരഞ്ഞോട്ടെ, അതിന് ടാക്സ് ഒന്നും കെട്ടണ്ടല്ലോ. ഒന്ന് കട്ട്‌ ചെയ്യമ്മേ.

അന്തോണി, കഴിഞ്ഞ ദിവസം ആ കുട്ടിയുടെ അപ്പൻ വന്നിരുന്നു. ഒരു പ്രൊപ്പോസൽ ആയിട്ട്. നിനക്കെന്താ ഇഷ്ടക്കേട് ഉണ്ടോ ഇതിൽ. നിങ്ങൾ ഇത് സംസാരിച്ചിരുന്നോ.

എന്റെ ഗ്രേസിക്കുട്ടി ഒന്ന് പോണുണ്ടോ.ഒന്ന് ഫ്രീയായി വിടുമോ എന്നെ.

എന്തായാലും ഞാൻ വാക്ക് കൊടുത്തു. ഇനി എനിക്ക് മാറ്റാൻ പറ്റില്ല. ഞാൻ ചീരംകണ്ടത്തിൽ വർക്കിച്ചന്റെ ഭാര്യയാ. ഇനി നിന്നെ ഒറ്റക്ക് കയറൂരി വിടാൻ തീരുമാനിച്ചിട്ടില്ല. മോൻ വേഗം റെഡി ആയി ഇറങ്ങു.ഇന്നിനി ഇതിനൊരു തീരുമാനം ഉണ്ടാക്കിയിട്ട് തന്നെ ബാക്കി കാര്യം.

അമ്മേ അവരൊക്കെ വലിയ ആൾക്കാരാ. നമ്മുക്കെന്തിനാ അതൊക്കെ.

അന്തോണി,നിന്റെ ന്യായീകരണം എനിക്ക് കേൾക്കണ്ട. ഒരു പെണ്ണ് നിന്നെയും പറ്റിച്ചു പോയപ്പഴും ഞാൻ കുറെ കേട്ടതാ. ഇനി ഞാൻ പറയുന്നത് അനുസരിച്ചോണ്ടാ മതി. വേഗം ഇറങ്ങാൻ നോക്ക്.

കാര്യങ്ങൾ കൈവിട്ടു എന്ന് മനസ്സിലായ ആന്റണി, അമ്മയോടൊപ്പം ഇറങ്ങി.സാന്ദ്രയുടെ വീട് ലക്ഷ്യം ആയി ഡ്രൈവിംഗ് തുടർന്നു. ഇടക്ക് വഴി ചോദിച്ചും പിടിച്ചും അവർ ആ കൊട്ടാരസമാനമായ വീട്ടിൽ എത്തി.

അമ്മ, ഇതൊക്കെ കണ്ടില്ലേ. നമ്മുക്ക് പറ്റിയതല്ല ഗ്രേസിക്കുട്ടി.

അന്തോണി, നീ അടങ്ങുന്നുണ്ടോ. ഇനി ഞാനാ തീരുമാനിക്കുന്നെ.ഇറങ്ങാൻ നോക്ക് നീ.

വന്നപാടെ റൂമിൽ കയറി അടച്ചിരിപ്പാണ് സാന്ദ്ര. കാളിങ് ബെൽ കേട്ട് ചെറിയാൻ വാതിൽ തുറന്നു. അപ്രതീക്ഷിതമായി വന്ന  അതിഥികളെ കണ്ട് അയാൾ അവരെ സ്വീകരിക്കാനുള്ള തിരക്കിലായി.

അതെ ചെറിയാച്ച, വന്ന കാര്യം അങ്ങ് പറയാം. നാട്ടുനടപ്പ് വച്ചു എന്റെ മോനു പെണ്ണ് ചോദിക്കാനാ ഈ വരവ്.അല്ല മോളെന്തിയെ. ഫോണിലൂടെ സംസാരിച്ചിട്ടേ ഉള്ളു. നേരിട്ട് കണ്ടിട്ടില്ല.

അവൾ മുറിയിലാണ് ചേട്ടത്തി. വന്നപാടെ അടച്ചിരിപ്പാ. എന്താ ആന്റണി നിങ്ങൾ തമ്മിൽ വല്ല….

ഒന്നുല്ല അങ്കിൾ. ഞങ്ങൾ തമ്മിൽ പ്രശ്നം ഒന്നുമില്ല.

ചെറിയൊരു പ്രശ്നം ഉണ്ട് ചെറിയാച്ചാ. അത്‌ മക്കൾ തമ്മിൽ പറഞ്ഞു തീർക്കേണ്ടതാ. വിരോധം ഇല്ലേൽ അവരൊന്നു സംസാരിക്കട്ടെ.

അതു ശരിയാ. അവരായി അവരുടെ പാടായി. അവർക്കെന്നാന്നാ അവർ പറഞ്ഞു തീർക്കട്ടെ.അഹ് ആന്റണി മുകളിൽ റൈറ്റ് സൈഡിൽ രണ്ടാമത്തെ മുറിയിൽ അവളുണ്ട്. ചെല്ല് സംസാരിച്ചു ഉള്ള പിണക്കൊക്കെ തീർത്തു വാ രണ്ടാളും.

അവൻ മേളിലേക്ക് ചെന്നു. നിർത്താതെ ഡോറിൽ തട്ടുന്നത് കേട്ട് സാന്ദ്ര കരഞ്ഞു കലങ്ങിയ കണ്ണുകളുമായി വാതിൽ തുറന്നു.

ഡാ, നിനക്ക് എന്നെ വേണ്ടല്ലോ പിന്നെന്തിനാ ഇപ്പൊ ഇങ്ങു വന്നേ. മുന്നിൽ ആന്റണിയെ കണ്ട് അല്പം ദേഷ്യത്തിൽ ചോദിച്ചു.