ജോക്കർ [ആൽബി] 1094

തന്നെ പ്രതീക്ഷിച്ചു തന്നെയാ ഞാൻ ഇവിടെ നിന്നത്. ഒരു പെൺകുട്ടി അങ്ങനെയൊക്കെ ചെയ്തു എന്നുകരുതി സ്വയം ശിക്ഷിക്കാനോ.എല്ലാരും അങ്ങനെ ആണെന്ന് കരുതാനും വയ്യ. യു ഹാവ് ടു ഫൈറ്റ് വിത്ത്‌ യുവർ ബാഡ് ഡേയ്‌സ് ഫോർ യുവർ ബെറ്റർ ഡേയ്‌സ് ഓഫ് ലൈഫ്.

അവൻ ഒരു നിമിഷം ചിന്തയിൽ ആണ്ടു.

എനി വേ,ആം സാന്ദ്ര ചെറിയാൻ.കൊച്ചി,പാലാരിവട്ടം  സ്വദേശി.പഠിച്ചതൊക്കെ ഇവിടെ ഓൾ ഇന്ത്യയിൽ. പിജി കഴിഞ്ഞു,ഇപ്പൊ എക്സ്പീരിയൻസിന് ഇവിടെ കയറി. കുറച്ചു നാൾ ഇവിടെ ഉണ്ടാവും. അവൾ കൈ നീട്ടി.

ആന്റണി വർഗീസ്, നാട്ടിൽ മുറിഞ്ഞപുഴ  സ്വദേശി.പഠിച്ചതൊക്കെ നാട്ടിൽ തന്നെ. പിന്നിങ് പൊന്നു. അവൻ ഹസ്തദാനം സ്വീകരിച്ചു.

അപ്പൊ ആന്റണി ചെല്ല്. ആ റൂം ഒക്കെ ഒന്നു വൃത്തിക്കിയിടു.നാളെ കാണാം. അവൾ നടന്നകന്നു.

നല്ലൊരു സൗഹൃദം ജനിച്ച നിമിഷം.ആദ്യം കാണുമ്പോൾ ചിരിക്കും,ഒരു ഹായ്. പിന്നീട് കഫെറ്റീരിയയിലും ഷോപ്പിംഗ് മാളുകളിലും ഉള്ള ചില കണ്ടുമുട്ടലുകൾ. ആ സൗഹൃദം വളർന്നു. ഒന്നിച്ചല്ലാതെ ഒഴിവുസമയങ്ങളിൽ അവരെ കാണാൻ കഴിയാതെ ആയി. ഇവൻ ഒരനുഭവത്തിൽ പഠിക്കില്ല, വീണ്ടും കോമാളിയാവാൻ. പലരും കേൾക്കേയും അല്ലാതെയും പിറുപിറുത്തു. അവർ അതൊന്നും ശ്രദ്ധിച്ചതേയില്ല.നാളുകൾ കടന്നുപോയി.എന്തും തുറന്നു പറയാൻ കഴിയുന്ന നിലയിൽ അവർ അടുത്തു.അവന്റെ സുഹൃത്തിനെ സേഫ് ഡിസ്റ്റൻസിൽ നിർത്താൻ അവൾക്ക് സാധിച്ചു.

……

രാവിലെ ആരോ ഉറക്കത്തിൽ തട്ടിവിളിച്ചപ്പോൾ ആണ് അവൻ ഉണർന്നത്.നോക്കിയപ്പോൾ സാന്ദ്ര. എന്താടീ രാവിലെ തന്നെ?

അല്ലടാ നീ എന്ത് ഭാവിച്ചാ.വാതിലും പൂട്ടാതെ ആയോ ഉറക്കം. നീ ഇന്ന് എന്റെ കൂടെ പുറത്തു വരാം എന്ന് പറഞ്ഞിട്ട്. എന്ത് കാര്യം. ഇങ്ങനെ ഒരു ജന്തു.

പോടീ പുല്ലേ, ഉറക്കം കളഞ്ഞതും പോരാ.

ഡാ, എണീക്ക്. വരുന്നുണ്ടോ നീ.

കിടന്നു കീറാതെ.വരാം.

അവൻ റെഡിയായി വരുമ്പോൾ അവൾ അവനായി പുറത്തു കാത്തിരുന്നു.

അല്ല, എങ്ങോട്ടാ? പോകും വഴി അവൻ ചോദിച്ചു.

പറയാടാ,വെയിറ്റ്. കുറച്ചു ഡ്രൈവിന് ശേഷം അവൾ ഒരു റെസ്റ്റോറന്റിൽ വണ്ടിയൊതുക്കി.

എന്താടി, എന്താ എനി പ്രോബ്ലം.

പ്രശ്നം ഒന്നുല്ലടാ. പപ്പാ ഇന്നലെയും കൂടി വിളിച്ചു. നാട്ടിലേക്ക് ചെല്ലാനാ പറേണെ.എനിക്കിപ്പോഴേ ഉത്തരവാദിത്തം ഒന്നും പറ്റില്ലഡാ.

ഇതുപോലൊരു സാധനം.ചെറിയാൻ, അതായത് നിന്റെ അപ്പൻ ഒള്ള ഏലവും കുരുമുളകും കയറ്റി അയച്ചു അവസാനം മോൾക്കായി ഒരു എമണ്ടൻ ഹോസ്പിറ്റലും തുറന്നു. അപ്പൊ മോൾക്ക് പറ്റില്ലാന്നു. ഒന്ന് ചെല്ലെടി ഒരാഗ്രഹം അല്ലെ. പുവർ മാൻ.