ജോക്കർ [ആൽബി] 1094

ഒന്നുല്ല, അവൾ കുറച്ചായി റൗണ്ട്സിന് ചെല്ലുമ്പോൾ ഒക്കെ സ്റ്റാഫിന്റെ സീരിയസ് പ്രോബ്ലെം ന്യായീകരിക്കുന്നു.വേണ്ട പോട്ടെന്നു വക്കുമ്പോ മെക്കിട്ടു കെറുവാ, ആ ഒരു ഫ്ലോയിൽ പറ്റിയതാ. ഇതിന്റെ പേരിൽ ജോലി പോകുവാരിക്കും. ഇതിലും കൂടുതൽ അനുഭവിച്ചവന് ഇതൊക്കെ എന്ത്. അപ്പന്റെ കുറച്ചു നിലം ഉണ്ട്, അതുമതി. അധ്വാനിക്കാൻ മനസ്സും ഉണ്ട്.

നാളെ വിളിപ്പിക്കും, ഉറപ്പ്. ഞാൻ വരാണോടാ.

വേണ്ട അച്ചായാ. ഞാനായിട്ട് വരുത്തിവച്ചതല്ലേ. ഞാൻ നോക്കിക്കോളാം.
……….
സൂപ്രണ്ട് മോഹന്റെ ഓഫീസ്.ആന്റണിയും, ഡോക്ടറും മുന്നിലുണ്ട്. ഒപ്പം സാക്ഷിയായി ലീലാമ്മ സിസ്റ്ററും.

എന്താ ആന്റണി ഇതൊക്കെ?ഈ പരാതിയിൽ ഉള്ളത് ശരിയാണോ?സൂപ്രണ്ട് തുടങ്ങിവച്ചു.

ഞാൻ എന്ത് പറയാനാ, ഉള്ളതാ. ഒന്ന് പൊട്ടിച്ചു. എനിക്കതിനു വലിയ തെറ്റൊന്നും തോന്നുന്നില്ല. പെണ്ണുങ്ങൾ ആയാൽ ആദ്യം നിലത്തു നിൽക്കണം. എല്ലാം അങ്ങ് ന്യായീകരിക്കാൻ നിക്കരുത്.

ഓഹ്, മലയാളി ആണൊ. അതാ ഈ കിടന്നു ഞെളിയുന്നെ.ഞാൻ എന്താ ന്യായീകരിക്കാൻ വന്നേ. ഞാൻ എന്റെ ഡ്യൂട്ടി ചെയ്യുന്നു.

സാറെ, ഡോക്ടർ വന്നപ്പോ തൊട്ട് ഓരോ കാരണം പറഞ്ഞു ഉടക്കിടുന്നതാ.മനുഷ്യന്റെ ക്ഷമ നശിപ്പിച്ചാൽ എന്താ ചെയ്യുക.

സർ, എന്നെ പരസ്യമായി തല്ലിയിട്ട് കിടന്നു ന്യായീകരിക്കാൻ വന്നിരിക്കുന്നു. ഇയാൾ ആൽക്കഹോളിക് ആണ് സർ. ഇയാൾ മദ്യപിച്ചാ ഡ്യൂട്ടി ചെയ്യുന്നേ. അന്നും കുടിച്ചിരുന്നു. ദേ ഇപ്പോഴും സ്മെൽ ഉണ്ട്. ഒന്ന് അന്വേഷിച്ചു നോക്ക്.

അതെ സർ. ആന്റണി റൗണ്ട്സിൽ വരുമ്പോഴൊക്കെ മദ്യത്തിന്റെ സ്മെൽ കിട്ടാറുണ്ട്. ഇന്നലെയും കുടിച്ചിരുന്നു. ലീലാമ്മ പിന്താങ്ങി.

ശരിയാണോ ആന്റണി. ഡ്യൂട്ടിയിൽ മദ്യപിക്കാറുണ്ടോ.

ഉണ്ട് സർ. ഇപ്പോഴും കഴിച്ചിട്ടുണ്ട്. സർ ആക്ഷൻ എടുക്കണം. അറിയിച്ചാൽ മതി എപ്പോ ഇവിടുന്ന് ഇറങ്ങണം എന്ന്.

ആന്റണി, നീ മദ്യപിച്ചു ഡ്യൂട്ടിയിൽ വരുന്നത് ഞാൻ കണ്ണടച്ചത് നീ വന്നനാൾ മുതൽ നിന്നെ അറിയാവുന്നത് കൊണ്ടും നിന്റെ കഴിവുകൾ മനസ്സിലാക്കിയിട്ടും ആണ്. ബട്ട്‌ ഇതിപ്പോ എന്റെ കയ്യിൽ നിക്കില്ല. പ്രൈമറി എൻക്യുറി ആണ്. നെക്സ്റ്റ് അബ്യൂസ് കമ്മറ്റി ആണ്. നാളെയെ ഉണ്ടാകു. അതുവരെ ഡ്യൂട്ടിക്ക് കേറണ്ട. ഒരു ടെർമിനേഷൻ ഉറപ്പിച്ചോ.