ചക്ഷുസ്സ് 2

Author : Bhami

 
മേലെവാരം …

കണ്ണെത്താ ദൂരത്ത് നീണ്ടു കിടക്കുന്ന നെൽപാടം.

 

” എന്തൊരു റോഡാണിത് ഇതിനൊരു മാറ്റോ ഇല്ലേ ? പണ്ട്  ശ്യമചേച്ചിടെ കല്യാണത്തിനു വന്നപ്പോ കണ്ടാ അതേ റോഡ് ” ഹും. ഭാഗ്യം ബാഗ്ലൂരിൽ സെറ്റിൽഡായേ. ”

 

ദീപിക പിറുപിറുത്ത് കൊണ്ട് ഡ്രൈവ് ചെയ്യലാണ്.

അവൾക്ക് മടുത്ത് കാണും .  ഇന്നലേ രാത്രി തുടങ്ങിയഡ്രൈവല്ലേ.

 

ശിക  ചാരി കിടന്നു. കണ്ണുകൾ പച്ചപ്പിലേക്കു നട്ടു . തെക്കിനേ തഴുകി വന്നകുളിർക്കാറ്റ് നെല്ലോലകളെ ചുമ്പിച്ചു കടന്നുപോയി.

 

ശിക ദീർഘമായി ശ്വസിച്ചു. ഏവിടെയോ നഷ്ട്ടപ്പെട്ട ഓർമ്മകളുടെ ഗന്ധം അവളെ  സന്തോഷിപ്പിച്ചു. ഏറേ കാലത്തിനു ശേഷം നാടിന്റെ ഭംഗി ആവോളം ആ കാറിലിരുന്നു കൊണ്ടു തന്നെ അവളാസ്വദിച്ചു.

 

 

നാടിനേ ഉണർത്തി  ക്ഷേത്രങ്ങളിൽനിന്നു ഭക്തിഗാനം . തെക്കൻകാറ്റിനൊപ്പം കൂട്ടുചേർന്നൊഴുകി.

 

റോഡവസാനിക്കുന്നിടം തൊട്ട് വയൽവരമ്പാണ്.

നെൽ കതിർ തൊട്ട്  തൊട്ട് ശിക നടന്നു.

 

പുറകെ ദീപികയും.

കഴിഞ്ഞ കാലങ്ങൾ അനശ്വരമാക്കി തീർത്ത വഴികൾ അവസാനിച്ചു. പടികൾ കയറി അവർ മുറ്റത്തെത്തി …. പണ്ട് ഞങ്ങൾ നട്ട പനീനീരിൽ നിറയെ പൂക്കൾ .

 



ശിക കോലയിലെക്കു നോക്കി. ചാരു കസേരയിൽ തളർന്നു കിടക്കുന്ന അച്ചനെ കണ്ടു അവൾ വിതുമ്പി പോയി.

 

ഓടി വന്നു അരികിലിരുന്നവൾ അച്ചന്റെ കൈകൾ പുണർന്നു.

ഒരു ഭാഗം തളർന്നു വാടി കരിഞ്ഞ കണ്ണുകളുമായി ഈ കണ്ട കാലം കാത്തിരുന്നത് തന്റെ മകളെയാണ്.

 

മകളുടെ വിളി  മാധവൻ തമ്പിക്ക് പുതിയൊരുണർവ് നൽകി. തളർന്നഭാഗം എനി എന്തിന്നു മകളുണ്ടല്ലോ പകരം.

 

അയാൾ കണ്ണുകൾ കൊണ്ട് അകത്തേക്കു നോക്കി. കൈയിൽ കിടന്ന സ്റ്റീൽ ഗ്ലാസ് താഴെകെറിഞ്ഞു.

 

ശിക അച്ചനെ നോക്കി നിൽക്കുകയാണ്.