കാതോരം 2 💔💔💔 [നൗഫു] 3899

“”വ അലൈകും മുസ്സലാം…””

 

“അറിയോ…””

 

“”പിന്നെ അറിയാതെ..””

 

ഷംനാദിക്കയുടെ ഫ്രണ്ടായിരുന്നു ആഷിക്.. ഇക്ക എന്നെ കാണാൻ വരുമ്പോൾ അധിക സമയവും കൂടേ ഉണ്ടായിരുന്ന ആൾ…

 

“”ഫാത്തിമ… ഷംനാദ് ഗൾഫിൽ പോയിട്ടോ..””

 

ഞാൻ ചോദിക്കാതെ തന്നെ ഇക്കയെ കുറിച്ച് ആഷിക് പറഞ്ഞു തുടങ്ങി..

 

“”പോയോ..””

 

“”ഹ്മ്മ്… പോയി.. ഇഷ്ട്ടമാണെന്നുള്ള നിന്റെ ഒരു വാക് കേൾക്കാൻ കുറെ നടന്നിട്ടുണ്ട് അവൻ.. പാവം..””

 

പെട്ടന്ന് വീണ്ടും അത് കേട്ടപ്പോൾ ഉള്ളിൽ എന്തോ ഒരു വിങ്ങൽ പോലെ…

 

“”ഖത്തറിലേക് ആണ് പോയത്… അവന്റെ ഇക്കയുടെ കമ്പനിയിൽ തന്നെ ഒരു നല്ല ജോബ് ശരിയായിട്ടുണ്ട്..””

 

ഞാൻ അവൻ പറയുന്നതിനോന്നും ഒരു മറുപടിയും നൽകാതെ കേട്ടു നിന്നു..

 

അല്ലേലും നീ എന്തിനാ മനസ് പൊരീപിക്കുന്നത്… ആളെ നീ പത്താം ക്ലാസ് കഴിഞ്ഞതിന് ശേഷം കണ്ടിട്ടില്ലല്ലോ.. എന്റെ മനസ് എന്നോട് തന്നെ പറയുന്നുണ്ട്..

 

“”ടി.. വാ.. ആള് പോയി..””

 

ഖദീജ ആയിരുന്നു. ആഷിക് എന്നോട് അതും പറഞ്ഞു പോയതൊന്നും ഞാൻ അറിഞ്ഞിട്ടില്ല..

 

കൂട്ടുകാരുടെ മുന്നിൽ ആകെ ചമ്മിയത് പോലെ.. പിന്നെ അവർക്ക് ഞാൻ ഷംനാദ് ഇക്കയുടെ കഥ മുഴുവൻ പറഞ്ഞു കൊടുത്തു..