കമ്പത്തെ കല്യാണം (ജ്വാല ) 1301

അങ്ങനെ ഒകെ ഒക്കെ പറഞ്ഞു ഓട്ടോയിൽ കയറി, അവൻ ഓട്ടോ സ്റ്റാർട്ട് ചെയ്തതും അതിൽ നിന്ന് പാട്ട് പാടാൻ തുടങ്ങി,

വിജയ് യുടെ ഏതോ സിനിമയിലെ തട്ടു പൊളിപ്പൻ ഗാനം,

തികഞ്ഞ അഭ്യാസിയെ പോലെ ആൾക്കാരുടെ ഇടയിലൂടെ, വീതി കുറഞ്ഞ വഴിയിലൂടെ അയാൾ ഓട്ടോ ഓടിച്ച് ഒരു പള്ളിയുടെ അടുത്തായി നിർത്തി.

അപ്പോൾ ഇതാണ് പുതുപ്പള്ളി വാസൽ തെരുവ്,

ഇടുങ്ങിയ വഴിക്കരുകിൽ നിറയെ വീട്,
ആരോടാ ഒന്ന് ചോദിക്കുക, വഴിയരുകിൽ നിന്ന അപ്പൂപ്പനോട് തന്നേ ചോദിച്ചു,

ഇങ്കെ അബ്ബാസ് വീട് എങ്കെയെന്നു തെരിയുമോ?

തമ്പി എന്ത അബ്ബാസ്, യാര് പുള്ള?

എനിക്ക് തമിഴ് അറിയില്ലെന്ന് ഈ മറുതയോട് ആരെങ്കിലും ഒന്ന് പറയോ?

ഇങ്കെ… ഇന്നയ്ക്ക് കല്യാണം, അന്ത.. അബ്ബാസ്…

ഹോ!!! എങ്ങനൊക്കെയോ പറഞ്ഞു ഒപ്പിച്ചു…

അപ്പടിയാ…

അയാൾ ദൂരെ ഒരു വീട് കാണിച്ചു തന്നു. ഞാൻ അങ്ങോട്ടേക്ക് നടന്നു,
ഞാനാ കാണിച്ചു തന്ന വീടിന്റെ മുന്നിലെത്തി മൃദുവായി വാതിലിൽ മുട്ടി,

യാര്… അകത്ത് നിന്നും നയൻതാരയുടെ പോലെയൊരു ശബ്ദം…

ആഹാ.. എന്റെ മനസ്സിന്റെ ചില്ലു കൂട്ടിൽ കിടന്ന കോഴി പതുക്കെ തല പൊക്കി,

ഡാ… ഇത് നമ്മുടെ നാടല്ല തന്നെയും അല്ല  ബാപ്പായുടെ മുറപ്പെണ്ണിന്റെ വീടും..
നമ്മുടെ മനസ്സാക്ഷി വീണ്ടും മുന്നറിയിപ്പ് തന്നു,

ഒന്നു പോടെയ്…

“വകേലെ പെങ്ങളെ വഴിയിൽ വച്ചു പ്രേമിക്കാമടെ ”

അല്ലാ ഈ പഴഞ്ചോല് ഇങ്ങനെ ആയിരുന്നോ?

ഡേയ്.. താൻ ഇപ്പോൾ ഇത്ര വലിയ കാര്യമൊന്നും അന്വേഷിക്കേണ്ട, മനസ്സാക്ഷിക്ക് വാണിങ് കൊടുത്ത്, തിരിഞ്ഞപ്പോഴാണ് എന്റെ മുന്നിൽ വന്ന ചെല്ലക്കിളിയെ ഞാൻ കണ്ടത്.