കമ്പത്തെ കല്യാണം (ജ്വാല ) 1301

രാവിലെ സർവ്വത്ര വശപിശകാണാല്ലോ റബ്ബേ…
ഇനി ഇവിടെ നിൽക്കുന്നത് ശരിയല്ല, വണ്ടി വിടാം നേരെ ബെഡ്റൂമിലേക്ക് ഓടി…

ഞങ്ങൾ പഴയ റാവുത്തർ കുടുംബം ആണ്, ബന്ധുജനങ്ങൾ പ്രത്യേകിച്ച് ബാപ്പയുടെ പലരും തമിഴ് നാട്ടിൽ ആണ്, അതിൽ ഒരാളുടെ കല്യാണം ആണ്.

ഒന്നും കൂടി വിശദമായി പറഞ്ഞാൽ ബാപ്പയുടെ മുറപ്പെണ്ണിന്റെ മകന്റെ കല്യാണം.
പിന്നീട് ഉമ്മ ആണ് ഈ കഥകൾ ഒക്കെ വിശദീകരിച്ചു തന്നത്.

ഒറ്റയ്ക്കെ ഉള്ളു എന്നതാണ് ആകെ പ്രശ്നം ഈ പാണ്ടിക്കാരുടെ ഇടയിൽ പോസ്റ്റാകുന്ന കാര്യം…

“ഡാ… രാവിലത്തെ കുമളി ബസിൽ പൊയ്ക്കോളൂ, ”

കുമളിയിൽ നിന്ന് കമ്പത്തേയ്ക്ക് ബസ് ഇഷ്ടം പോലെ…
ഉമ്മായുടെ ഉപദേശം ശിരസ്സാ വഹിച്ച് ഉറങ്ങാൻ കിടന്നു.

രാവിലെ നാല് മണിക്കാണ് സൂപ്പർ ഫാസ്റ്റ് ബസ് ഞങ്ങളുടെ നാട്ടിൽ നിന്ന് പുറപ്പെടുന്നത്,
അങ്ങനെ ഞാനും ബസിൽ കയറിപ്പറ്റി, അധികം ആൾക്കാർ ഒന്നും ഇപ്പോൾ ബസിൽ ഇല്ല.

ഞാൻ ഒരു സൈഡ് സീറ്റ് പിടിച്ച് നമ്മുടെ പ്രധാന ജോലിയായ ഉറക്കം തുടങ്ങുന്നതിനു മുൻപ് എന്റെ എതിർ സീറ്റിലേക്ക് നോക്കി,

ഒരു പയ്യനും, പെൺകുട്ടിയും കൂടി ഒരു സീറ്റിൽ ഇരിക്കുന്നുണ്ട്, നവ വധുവിനെ പോലെ ആ പയ്യന്റെ വലതു കൈ അവളുടെ ഇടം കൈകൊണ്ട് ചേർത്ത് പിടിച്ചിട്ടുണ്ട്,

പ്ലസ് ടു വിനാണോ അതോ ഡിഗ്രിക്കാണോ എന്തായാലും അത്രയൊക്കെ പ്രായം വരുന്നുള്ളൂ,

അവർ ചേർന്നു ഇരിക്കുന്നുണ്ട് അവന്റെ ചെവി കടിച്ചു പറിക്കും പോലെ അവൾ എന്തൊക്കെയോ പറയുന്നുണ്ട്…

ഹും… യോഗം, യോഗം എന്നു പറയുന്നത് ഇതൊക്കയാ, അല്ലാതെ മാങ്ങാ തൊലി അല്ലാ എന്നു വീട്ടിൽ തെങ്ങ് കയറാൻ വരുന്നവൻ പറയുന്നത് ഇതൊക്കെ ആവാം.

കണ്ടക്ടർ ബെല്ലടിച്ച് ബസ് യാത്ര തുടങ്ങി, ടിക്കറ്റ് എടുക്കാൻ കണ്ടക്ടർ വന്നു ലോങ്ങ്‌ ട്രിപ്പ് ആയത് കൊണ്ടാകാം അയാൾ ഒരു പുഞ്ചിരിയും, ടിക്കറ്റും തന്ന് അടുത്ത ആളിലേക്ക് നീങ്ങി.