കട്ടെടുത്ത ഹൃദയം ♥️ [babybo_y] 124

ഒരുപക്ഷെ ‘അമ്മ കഴിഞ്ഞാൽ , ഞാൻ ഏറ്റവും കൂടുതൽ മിണ്ടാറുള്ള വ്യക്തി, അപ്പൻ കഴിഞ്ഞാൽ എന്നെ ഏറ്റവും കൂടുതൽ മനസിലാക്കാൻ കഴിയുമെന്ന് എനിക്ക് തോന്നിയ വ്യക്തി ,ചില സത്യങ്ങൾ വെളിയിലാക്കാൻ അമ്മക്ക് മുറ്റത്ത് പൂത്തു നിൽക്കുന്ന ചാമ്പ വടി എടുക്കേണ്ടി വന്നപ്പോൾ,

അവളെടുത്തത് വെറുമൊരു പുഞ്ചിരി
മാത്രമായിരുന്നു

ഓലക്കേടെ മൂട്…
ഇതാണ്. നമ്മ മനുഷ്യന്മാർടെ കുഴപ്പം സത്യം പറയാറില്ല
ഇതൊക്കെ ബോധവും വിവരവും ഉറച്ചതിനു ശേഷം  മനസിനെ പറഞ്ഞു പടിപ്പിച്ചതല്ലേ

പണ്ട് കൂട് കൂടി നടന്നപ്പോളില്ലാത്ത  ഒരു സങ്കോചം

കണ്ണിൽ നോക്കി ഇഷ്ടമാണെന്ന് ഒരായിരം വട്ടം പറയണമെന്നുറപ്പിച്ച  രാവുകൾ

മുന്നിലെത്തി ഒന്നും പറയാനില്ലാതെ തൊണ്ടയിലെ വെള്ളം പറ്റി മൗനിയായ പകലുകൾ,

മനസ്സിലൊരു  പ്രതിഷ്ഠ മാത്രം
അവളുടെ കുറവുകൾ എന്റെ ഇഷ്ടങ്ങൾ ആയി.

അതിലേറ്റവും സൗന്ദര്യം അക്ഷരങ്ങൾ വഴങ്ങാത്ത അവളുടെ സംസാരമായിരുന്നു
മറ്റൊരു മുഖവും മനസിലില്ലാണ്ട്

ഓരൂപക്ഷെ എന്റെ ഈ വക ചിന്തകൾക്കൊക്കെ ഏറ്റവും കൂടുതൽ അനുഭവിച്ചത് വീട്ടിലെ. തലയിണ ആയിരിക്കും ,ദേഷ്യവും സങ്കടവും ഒക്കെ അതിമേൽ അല്ലെ തീർക്കുവാ

ചുരുക്കി പറഞ്ഞാൽ ഞാൻ നല്ലൊന്നാംതരം കള്ളനായി മാറികൊണ്ടിരുന്ന്

ദിവസങ്ങൾ കൂടുതോറും എന്നിലെ കള്ളനും വളർന്നു…

സൗഹൃദത്തിനിടയിൽ പ്രണയം ഒളിപ്പിക്കുക. എന്നതാണ് വലിയ പ്രതിബന്ധം എന്നാണ് അന്ന് തോന്നിയത്
ഇഷ്ടം പറയാനൊരുപ്പാട്  അവസരങ്ങൾ …
പക്ഷെ ഒരിക്കലും പറഞ്ഞില്ല
പറയാൻ വിലക്കിയത് അവളുടെ കണ്ണുകളായിരുന്നു