ഒന്നും ഉരിയാടാതെ 6 [നൗഫു] 4849

കിട്ടി… മീശ മാധവനിൽ ദിലീപ് ഉപയോഗിച്ച ടെക്നിക് തന്നെ.. ഒരു വലിയ മയിൽ പീലി… അതെടുത്തു അവളുടെ കവിളിൽ ഞാൻ പതിയെ തലോടി… ആദ്യ ശ്രെമം പരാജയപെട്ടു വെങ്കിലും രണ്ടാമത്തെ ശ്രെമത്തിൽ എന്റെ കൈകൾ വിട്ടു കൊണ്ട് കവിളിൽ തലോടുവാൻ തുടങ്ങി…

 

എന്റുമ്മ രക്ഷപെട്ടു… ഇനി അവളുടെ ഫോൺ എടുത്തു നോക്കുവാനുള്ള ധൈര്യമില്ല.. പതിയെ അവിടെ നിന്നും എഴുന്നേറ്റ് മയിൽപീലി മേശക്ക് ഉള്ളിലേക്കു തന്നെ വെച്ച്  തിരിയുമ്പോഴാണ് ഒരു ഡയറി എന്റെ മുന്നിൽ പെട്ടത്.. 

 

❤❤❤

 

നേരം വെളുത്തപ്പോൾ എന്നെ ആ സുഖകരമായ ഉറക്കത്തിൽ നിന്നും ആരോ തട്ടി തള്ളി നിലത്തേക് മറച്ചു ഇട്ടപോലെ തോന്നിയിട്ടാണ് ഞാൻ എന്റെ കണ്ണുകൾ തുറന്നത്…

 

ചീറി കടിക്കാനുള്ള ദേശ്യത്തോടെ നാജി നിൽക്കുന്നു..

 

“എന്താടി…” 

 

എന്റെ ഉറക്കം മുറിഞ്ഞ ദേഷ്യത്തിൽ ഞാൻ അവളോട്‌ ചോദിച്ചു…

 

“നീ ഇന്നലെ എന്റെ ഫോൺ എടുത്തോ…”

 

“എനിക്ക് എന്തിനാ നിന്റെ ഫോൺ…”

 

“നീ എടുത്തോ ഇല്ലയോ.. ഞാൻ വെച്ചത് പോലെ അല്ലായിരുന്നു രാവിലെ കാണുമ്പോൾ..”

 

“അത് ചിലപ്പോൾ നിന്റെ കൈ തട്ടിയിട്ടുണ്ടാവും.. അതെങ്ങനെ ഉറങ്ങുന്നത് റോട്ടിൽ ആണെന്നാണ് വിചാരം.. ബെഡിൽ മുഴുവൻ ഉരുണ്ട് മറിയുക അല്ലായിരുന്നോ…”

 

“നീ ഇന്നലെ ഉറങ്ങാതെ ഇരിക്കുകയായിരുന്നോ..”