ഒന്നും ഉരിയാടാതെ 30[നൗഫു] 4446

അതെല്ല…

അപ്പൊ അത് പൊളിഞ്ഞില്ലേ.. ഇനി ബാക്കി പറ… എന്റെ ഒരു തള്ള് പൊളിച്ച ആവേശത്തിൽ ഹുസ്ന ഇത്ത പറഞ്ഞു…

ഞാൻ വീണ്ടും തുടർന്നു.. 

“പള്ളിയിൽ വെച്ച്…മാമന്റെ കയ്യിൽ പിടിപ്പിച്ചു.. ചൊല്ലി തന്ന  ആ  ഉസ്താദ് എന്താണ് പറഞ്ഞത് എന്ന് പോലും എനിക്ക് കേൾക്കാൻ പറ്റിയിട്ടില്ല…. അതിനെ കുറിച്ച് കുറച്ചു അറിവുള്ളത് കൊണ്ട് നേർക് ചൊല്ലി എന്ന് മാത്രം…   എന്നിട്ടോ.. ഇതാ ഇത് പോലെയുള്ള ഒന്നിനെ എന്റെ തലയിലും ആക്കി തന്നു..” 

ഞാൻ നാജിയെ ചൂണ്ടി വീണ്ടും കുറച്ചു കളിയായി പറഞ്ഞു…

നാജി എന്നെ നോക്കി മുഖം വീർപ്പിച്ചു, കണ്ണ് രണ്ടും ഉരുട്ടി കൊണ്ട്….. കൈ ഒന്ന് ഓങ്ങുവാനായി നോക്കി.. ഉമ്മയും ബന്ധുക്കളും ഉള്ളത് കൊണ്ട് തന്നെ അവൾ വേഗത്തിൽ കൈ പിൻ വലിച്ചു…

നിനക്ക് ഒന്ന് വെച്ചിട്ടുണ്ട് എന്ന് പറയുന്നത് പോലെ കൈകൾ കൊണ്ട് ഭീഷണി മുഴക്കി നിന്നു…

“ഇത്താക്ക് അറിയുമോ…” 

ഞാൻ വീണ്ടും ഹുസ്ന ഇത്തയുടെ നേരെ തിരിഞ്ഞു കുറച്ചു സങ്കടം മുഖത്തു വരുത്തി പറഞ്ഞു തുടങ്ങി..

“ഇന്നലെ വരെ കൂടെ കളിച്ചവർ ഇന്നിപ്പോൾ എന്നെ കളിക്കാൻ കൂട്ടുന്നില്ല.. ഞാൻ വലിയ ആള് ആയെന്നാണ് അവർ പറയുന്നത്.. ആ പറയുന്ന കൂട്ടത്തിൽ മുപ്പതു വയസ് കഴിഞ്ഞ ഇത് വരെ വിവാഹം കഴിക്കാത്തവർ വരെ ഉണ്ട്.. അതാണ് എന്റെ ഇപ്പോഴത്തെ അവസ്ഥ…”