ഒന്നും ഉരിയാടാതെ 30[നൗഫു] 4881

“എന്റെ ഇത്ത.. കല്യാണംbകല്യാണം എന്ന് പറഞ്ഞു ഞാൻ ഒരു പാട് കേട്ടിട്ടുണ്ട്.. പക്ഷെ ഇങ്ങനെ ഒരു കല്യാണം…

അതുമല്ല…. കല്യാണം എന്നാൽ ഇതാണെന്ന് അറിഞ്ഞത് എന്റെ കല്യണം കഴിഞ്ഞപ്പോൾ മാത്രമാണ്..  ഇത് കണ്ടോ ഇവിടെ നിൽക്കുന്ന ഇത്തമാരുടെ ബന്ധുക്കളെ..  ഇവരെല്ലാം ശരിക്കും പറഞ്ഞാൽ എന്റെ കല്യാണ ദിവസം കൂടേണ്ടവർ ആണ്.. അതുമല്ല എന്റെ ഏതേലും കൂട്ടുകാരെ നിങ്ങൾ എന്റെ കല്യാണത്തിന്റെ അന്ന് കണ്ടിരുന്നോ.. ഇല്ലല്ലോ…”

ഒന്ന് നിർത്തി ഞാൻ ചുറ്റും കണ്ണോടിച്ചു.. എല്ലാവരും എന്നെയും നോക്കിയിരിക്കുന്നത് കണ്ടു കുറച്ചു ആവേശത്തോടെ ഞാൻ വീണ്ടും തുടർന്നു..     

“അതൊക്കെ പോട്ടെ.. ഈ എനിക്ക് തന്നെ എന്റെ കല്യാണം ഒന്നും കൂടാൻ പറ്റിയോ.. ഇല്ല അതും ഇല്ല… എന്തിന് എന്റെ കല്യണത്തിന്റെ അന്ന്  ഉച്ചക്ക് കിട്ടുന്ന ഒരു വറ്റ് ചോറ്.. എനിക്ക് കിട്ടിയോ… ഇതാ നിൽക്കുന്നു നിങളുടെ അനിയത്തി… അവൾ തന്നോ എനിക്ക് കുറച്ചു ചോറ്..”  

ഇത്ത കേൾക്കാൻ മാത്രം ശബ്ദത്തിൽ ഞാൻ  ഹുസ്ന ഇത്തയുടെ ചെവിയിൽ പറഞ്ഞു..

നാജി അത് കേട്ടെന്ന് തോന്നുന്നു.. എന്നെ കണ്ണ് ഉരുട്ടി കാണിച്ചു ചിരിച്ചു.. ഞാനും ഒരു ചെറു ചിരി ചിരിച്ചു കൊണ്ട് ബാക്കി തുടർന്നു..