ഒന്നും ഉരിയാടാതെ 23 [നൗഫു] 4403

പിന്നെ ഇന്ന് രാവിലെ സംഭവിച്ച എല്ലാ കാര്യവും ഒരു വള്ളി പുള്ളി വിടാതെ നാജി പറഞ്ഞു… നാജി കാരണം ആണ് അവരുടെ വിവാഹം മുടങ്ങിയത് അടക്കം..

“അതിൽ ഷഫീക് ഒരു കാര്യം പറഞ്ഞിരുന്നു..”

“എന്ത് കാര്യം..” 

“ഞാൻ ആകാംക്ഷ അടക്കാൻ കഴിയാതെ ചോദിച്ചു..” 

ഉള്ളിൽ കുറച്ചു ഭയം ഉണ്ടായിരുന്നേലും..

“എടാ.. അന്ന് ഞാനും ജാബിരും സംസാരിച്ചു നിന്നിലെ കാറിനുള്ളിൽ..”

“ആ.. തിങ്കളാഴ്ച..”

“ആ.. അന്ന് തന്നെ.. ഞാനും അവനും സംസാരിച്ചു നിന്നത് അടക്കം അവിടെ പെണ്ണിന്റെ വീട്ടിൽ പോയി പറഞ്ഞിരിക്കുന്നു.. ആ ദ്രോഹി..”

“”എന്നിട്ട്..”” 

അവൾ എന്താണ് പറഞ്ഞു വരുന്നത് എന്നറിയാനായി ഞാൻ ചോദിച്ചു..

“അന്ന് ആ സംഭവം കണ്ടത് നീ മാത്രമാണ് എന്നാണ് എന്റെ വിശ്വസം..”

നാജി അത് പറഞ്ഞപ്പോള്‍ എന്റെ ഉള്ളു നല്ലത് പോലെ വിറക്കുക ആയിരുന്നു.. ഇവൾക്ക് എന്നെ സംശയം ഉണ്ടോ എന്നറിയാതെ..

“പക്ഷെ.. അത് വേറെ ഏതോ ഒരാള് കൂടി കണ്ടിട്ടുണ്ട്.. ഇനി അത് ആ പെണ്ണിന്റെ വീട്ടിൽ പോയി പറഞ്ഞ പെൺകുട്ടി തന്നെ ആണോ അത് എനിക്കറിയില്ല..”