ഒന്നും ഉരിയാടാതെ 23 [നൗഫു] 4403

 

ചായ കുടിച്ചു രണ്ടു പേരും ഒരേ സമയം തന്നെ വീട്ടിൽ നിന്നും ഇറങ്ങി…

 

❤❤❤

 

ഇന്നത്തെ ഫുഡ്‌ ഉണ്ടാക്കാൻ അടുക്കളയിൽ ആണ് നാജിയും ഉമ്മയും…

 

ഞാൻ റൂമിൽ പോയി ഒന്ന് മാറ്റി ഇറങ്ങി..

 

“എങ്ങോട്ടാടാ..” 

 

ഉപ്പയാണ്.. ഹാളിൽ ഇന്നത്തെ പേപ്പറിന്റെ ഓരോ മൂലയും അരിച്ചു പൊറുക്കി വായിച്ചാലേ മൂപ്പര്‍ക്കു സമാധാനം ആകൂ… നമ്മുടെ നാട്ടിലൊക്കെ പറയില്ലേ ഒരു പത്ര പുഴു അത് തന്നെ.. ഇത് ഇവിടെ നിന്നും  മാത്രമല്ലട്ടോ.. വീട്ടിൽ ഉള്ളതിന് പുറമെ അങ്ങാടിയിലേക് ഇറങ്ങിയാൽ ഏതേലും കടയിൽ വെച്ച് കണ്ടാൽ മൂപ്പരുടെ കയ്യിൽ ഒരു പേപ്പർ ഉണ്ടാകും..

 

“ഉപ്പ, ഞാൻ ഒന്ന് അങ്ങാടിയിലേക്..”

 

“ഹ്മ്മ്.”

 

“അല്ല.. ഇന്നല്ലേ ആ ചെറുക്കന്റെ കല്യാണം.. നാജിയുടെ ഫ്രണ്ടിന്റെ..”

 

“ആ ഉപ്പ…”

 

“എന്നിട്ട് നിങ്ങൾ പോകുന്നില്ലേ.. സമയം ആയല്ലോ..”

 

“അത് ഉപ്പ..” 

 

അവന്റെ കല്യാണം മുടങ്ങി.. എന്ന് പറയാൻ വന്ന നാവിനെ ഞാൻ സമർത്ഥമായി അടക്കി.. അല്ലേൽ നാജി എന്നോട് പറയാത്ത കാര്യം ഞാൻ എങ്ങനെ അറിഞ്ഞു എന്നുള്ളത് ഒരു വിഷയം ആകും.. ഇതിന്റെ പുറകിൽ ഞാൻ ആണ് ഉള്ളതെന്ന് തല്ക്കാലം നാജി അറിയാൻ പാടില്ല…