ഒന്നും ഉരിയാടാതെ 23 [നൗഫു] 4914

ഈ ഉമ്മ.. ഉമ്മാ അങ്ങനെ ഒന്നും പറയല്ലി, ആ നായിന്റെ മോൻ ഇങ്ങളെ മോൻ തന്നെ ആണ്.. ഞാൻ എന്റെ മനസിൽ പറഞ്ഞു .ഇനി അതിന്റെ പേരിൽ പിരാകുമോ ആവോ…

ഇനിയും നിന്നില്ലേൽ എന്റെ ഉപ്പ തന്നെ തുമ്മി തുമ്മി ഒരു വായിക്കാകാൻ ചാൻസ് ഉള്ളത് കൊണ്ട് ഞാൻ അവരുടെ അടുത്തേക് നടന്നു…

“എന്താ ഇവിടെ ഉമ്മയും മോളും ഒരു സ്വകാര്യം…”

“ടാ നീ അറിഞ്ഞോ.. ഇന്നലെ നമ്മുടെ വീട്ടിൽ വന്നിരുന്നില്ലേ.. നാജിയുടെ കൂട്ടുകാരൻ..”

ഉമ്മ എന്നെ കണ്ട ഉടനെ അരികിലേക് നടന്നു വന്നു ഒരു സ്വകാര്യം പോലെ പറഞ്ഞു..

“ആ..”

“അവന്റെ വിവാഹം ആരോ മുടക്കി..”

“ആര്..” 

ഞാൻ മുഖത്തേക്ക് കുറച്ചു ഞെട്ടൽ വരുത്തി കൊണ്ട് തന്നെ ചോദിച്ചു…

“ആ.. ആരാന്നൊന്നും അറിയില്ല ഇവരുടെ ഏതോ ഗ്രൂപ്പിലെ മറ്റോ വന്നെന്ന് മോള് പറഞ്ഞു..  അള്ളാഹു.. എന്താണ് ഈ കേൾക്കുന്നത്.. നല്ല ചെക്കന്മാർക് തന്നെ ആണല്ലോ കൂടുതൽ പരീക്ഷണങ്ങള്‍..” 

എന്നും പറഞ്ഞു ഉമ്മ അകത്തേക് കയറി..