ഒന്നും ഉരിയാടാതെ 23 [നൗഫു] 4853

“അതേയൊ.. ആരെ നമ്മുടെ ഹുസ്ന യുടെ വീട്ടിലേക്കോ..”

“അതേ ഇക്കാ..”

“ഹ്മ്മ്.. എന്നാൽ നാളെയും മാറ്റന്നാളും.. അങ്ങനെ ആകാം.. ഇനി ഹുസ്ന യുടെ വീട്ടിൽ പോകാതെ ഇരിക്കണ്ട.. പോയില്ലേൽ എന്നെ വിളിച്ചു അവൾ ചീത്ത പറയും..” 

അതും പറഞ്ഞു ഇക്ക പോകുവാനായി എഴുന്നേറ്റു..

അതിനിടയില്‍ നാജി അടുക്കളയിലേക് പോയി ചായ ഇട്ടു കൊണ്ട് വന്നിരുന്നു..

“എന്തിനാ മോളെ ഇപ്പോ ഒരു ചായ.. ഇക്ക കുടിച്ചിട്ട് ആയിരുന്നു വന്നത്..”

“അതിന് എന്താ ഇക്കാ.. എന്റെ കയ്യോണ്ട് ഉണ്ടാക്കിയത് ഒന്ന് കുടിച്ചു നോക്കി ഇങ്ങള്..”

“ഹ്മ്മ്.. നീ നല്ലത് പോലെ വർത്തമാനം പറയാൻ തുടങ്ങിയല്ലോ.. ഇവന്റെ കൂടെ കൂടിയിട്ട് ആവും അല്ലെ…”

ഇക്ക എന്നെ ഒന്ന് നോക്കി അവളോട്‌ പറഞ്ഞു..

അവൾ ഒന്നും മിണ്ടാതെ ഇക്കയെ നോക്കി ചിരിച്ചു നിന്നു…

ആ സമയം തന്നെ ആഷിക് ഞാൻ വാങ്ങി കൊടുത്ത ചെമ്മീനുമായി വീട്ടിലേക്ക് വന്നു.. അവരെല്ലാം ഓരോ ഭാഗങ്ങള്‍ എടുത്തിട്ടും അഞ്ചു കിലോയോളം ഇങ്ങോട്ട് മാറ്റി വെച്ചിരുന്നു..

ഒരു ചായ അവന് എടുത്തു കൊടുക്കുന്നതിനു ഇടയിൽ, ഉമ്മ രണ്ടു കവറുമായി വന്നു ആ മീൻ വീണ്ടും മൂനാക്കി രണ്ടു കവർ ഇക്കയെ ഏൽപ്പിച്ചു.. ഒന്ന് സനൂഫിന്റെ വീട്ടിൽ കൊടുക്കുവാനും പറഞ്ഞു..