ഒന്നും ഉരിയാടാതെ 23 [നൗഫു] 4853

ജുനൈസ് ഇക്കയാണ് വന്നത്.. എന്റെ ഇക്കാക്കമാരിൽ മൂത്തവൻ.. രണ്ടാമത്തേത് സനൂഫ്… രണ്ടും ഒരു പോലെ തന്നെ ആയിരുന്നു.. മിനിറ്റുകൾളുടെ  വ്യത്യാസത്തിൽ ആണല്ലോ ജനിച്ചു വീണത്..

ഉമ്മ പറഞ്ഞു കേട്ടിട്ടുണ്ട്.. രണ്ട് പേരും കിടക്കുമ്പോള്‍ൾ പോലും കെട്ടിപിടിച്ചേ കിടക്കാറുള്ളൂ.. ഒരാളെ മുല കൊടുക്കാന്‍ എഴുന്നേൽപ്പിച്ചാൽ ആ സമയം തന്നെ അടുത്തവനും എഴുന്നേൽ ക്കും.. എന്തിന് ഏറെ പറയുന്നു ഒന്ന് മൂത്രമൊഴിക്കാൻ പോലും രണ്ടു പേരും ഒരുമിച്ചേ പോകാറുള്ളു കുറച്ചു പ്രായം ആകുന്നത് വരെ.. കുട്ടിക്കളി മാറുന്നത് വരെ..

ഇന്നും അത് പോലെ തന്നെ.. അവർ..

“ഇക്കാ..”

“ബാവു..”

“ഹ്മ്മ്…”

“നിയെ..  ഇന്ന് രാത്രി വീട്ടിലേക്ക് വരണം.. ഞാൻ നീയും ഇവളും വിരുന്നിനു പോയ സമയം വന്നിരുന്നു… വരുമ്പോള്‍ൾ എല്ലാവരെയും കൂട്ടിക്കോ.. ഇന്ന് എന്റെ വീട്ടിലും നാളെ സനൂഫിന്റെ വീട്ടിലും കൂടാം എന്തെ..”

ഞാൻ അങ്ങനെ ആകാം എന്ന് പറയാൻ പോകുമ്പോൾ നാജി എന്നെ കണ്ണ് കാട്ടി വിലക്കി.. ഹോ.. ഞാൻ മറന്നു പോയിട്ട് ഉണ്ടായിരുന്നു..

“ഇക്കാ.. നമുക്ക് നാളെ ആയാലോ.. ഇന്ന് ഇവളുടെ ഇത്തയുടെ വീട്ടിലേക്ക് രാത്രി ചെല്ലാൻ പറഞ്ഞിട്ടുണ്ട്..“