ഒന്നും ഉരിയാടാതെ 11 [നൗഫു] 4812

“മാമനോ.. ടാ ഞാൻ ഇപ്പൊ നിന്റെ കൂടെ ഉപ്പയാണ്.. മാമനൊക്കെ മാറി…”

“അത് പിന്നെ അവൻ ഇത് വരെ വിളിച്ചത് അല്ലെ ആദ്യം നാവിൽ വരൂ ഇങ്ങനെ ഓനെ കളിയാക്കണ്ട”

എന്നെ രക്ഷിക്കാനായി പറഞ്ഞു അമ്മായി അവിടേക്കു കടന്നു വന്നു…

“എല്ലാവരും വരി ഭക്ഷണം കഴിക്കാം..”

അന്ന് അവിടെ നൈച്ചൊറും കോഴി കറിയും ആയിരുന്നു.. കല്യാണം കഴിഞ്ഞത് മുതൽ ഈ ഫുഡ്‌ തന്നെ.. എന്നും ഇറച്ചിയും നെയ്യും മടുപ്പ് വരുവാൻ തുടങ്ങിയിട്ടുണ്ട്… ഇനി അവിടെ എത്തിയാലും ഇത് തന്നെ ആവും…

ഫുഡ്‌ കഴിച്ചു ഞങ്ങൾ ഇറങ്ങുവാനയി തുടങ്ങി.. തൊട്ട് പിറകെ തന്നെ ഹാരിസിക്കയും ഹസ്ന ഇത്തയും ഇറങ്ങും..

“ഞായറാഴ്ച രാത്രി ഞങ്ങളുടെ വീട്ടിലേക് വരണം.. അന്ന് അവിടെ കൂടാം..”

ഇറങ്ങുന്ന വഴി ഹാരിസിക്ക പറഞ്ഞു..

ഞാൻ നാജിയുടെ മുഖത്തേക് നോക്കിയപ്പോൾ അവൾ സമ്മതമാണെന്ന് പറയാൻ പറഞ്ഞു..

“ഇക്കാ.. അത് വേണോ.. നമുക്ക് എപ്പോ വേണേലും വന്നു കയറാൻ പറ്റിയ വീട് തന്നെ അല്ലെ ഇക്കയുടേത്.. അത് കൊണ്ട് ഞാൻ ഒരു ദിവസം വരേണ്ട്.. അങ്ങനെ പോരെ…”

“നിന്റെ ഇഷ്ടം അങ്ങനെ ആണെങ്കിൽ അങ്ങനെ.. നിനക്ക് ഒഴിവ് ഉണ്ടാവുമ്പോൾ ഇവളെയും കൂട്ടി വാ..”

“എന്താ..”

ഹുസ്ന ഇത്ത അതിന്റെ ഇടയിലേക്ക് കയറി ചോദിച്ചു..

“ഞാൻ ഓനോട്‌ ഞായറാഴ്ച അങ്ങോട്ട്‌ വരുന്ന കാര്യം പറയായിരുന്നു..”