ഒന്നും ഉരിയാടാതെ 11 [നൗഫു] 4812

“ബാവു.. എനിക്ക് ഒരു ഐസ് ക്രീം വേണം..”

“ഏതു വേണം..”

“സ്ട്രോബെറി..”

ഞാൻ അടുത്തുള്ള കടയിൽ നിന്നും ഒരു കുപ്പി വെള്ളവും, കൂടെ രണ്ടു ഐസ് ക്രീമും ഒരു ചിപ്സ്.. നമ്മുടെ മരച്ചീനി കൊണ്ട് ഉണ്ടാക്കുന്ന.. കപ്പ [വേറെ ഒരു പേര് കൂടെ ഉണ്ട് അത് ഇവിടെ പറഞ്ഞാൽ നിങ്ങൾ ചിലപ്പോൾ തെറ്റിദ്ധരിക്കും ] അതും വാങ്ങി..

വിയർപ്പ് തുള്ളികൾ എല്ലാം ആ കാറ്റിൽ അലിഞ്ഞു പോയിട്ടുണ്ട്.. മുടിയുടെ ചെറിയ ഭാഗം മുന്നിലേക്ക് ഇട്ടു കൊണ്ട് നാജി ഐസ് ക്രീം കഴിക്കാൻ തുടങ്ങി…

ചേട്ടാ . ഇതൊന്ന് വാങ്ങു.. ഒരു ചെറിയ കുട്ടി എന്റെ അടുത്ത് വന്നു കയ്യിലുള്ള പട്ടം എന്നെ കാണിച്ചു കൊണ്ട് പറഞ്ഞു..

“എനിക്ക് ഏറെ ഇഷ്ട്ടമാണ് പട്ടം പറത്തി കളിക്കാൻ..”

ഞാൻ നാജിയെ നോക്കിയപ്പോൾ അവൾ പറഞ്ഞു..

“പറത്തണോ…”

അവൾ തന്നെ ഒരു പട്ടം വാങ്ങി എന്റെ കയ്യിൽ തന്നു..

ഞാൻ അത് കാറ്റിന്റെ ദിശ നോക്കി ഉയർത്തി.. കണ്ണിൽ നിന്നും ഒരു പൊട്ടു പോലെ ആകുന്നത് വരെ… നമ്മുടെ ജീവിതം ഇങ്ങനെ തന്നെ ആണ്.. നമ്മൾ ഉയരാൻ തുടങ്ങിയാൽ ആരെക്കാളും ഉയരത്തിൽ എത്തുവാൻ മാത്രെമേ നോക്കൂ..

പക്ഷെ എന്റെ കയ്യിൽ നിന്നും ഒരൊറ്റ നിമിഷം കൊണ്ട് അതിന്റെ നൂൽ പൊട്ടിയപ്പോൾ.. നമുക്ക് പിടിച്ചാൽ കിട്ടാത്ത വേഗതയിൽ അത് എങ്ങോട്ടോ മറഞ്ഞു പോയി..

“ഹ ഹ ഹ.. നാജിയുടെ ചിരി കേട്ടു ഞാൻ പിറകിലേക് നോക്കി..”