ഒന്നും ഉരിയാടാതെ 11 [നൗഫു] 4838

മഴ ഇന്നലെ ഒന്ന് പെയ്തെങ്കിലും ചൂടിന് ഒരു കുറവും ഇല്ല… കയ്യിൽ ഒരു വെള്ളത്തിന്റെ ബോട്ടൽ പിടിച്ചു ഞങ്ങൾ പകുതിയിലേക്കു എത്തി.. അവിടെ കണ്ട കല്ലിൽ നാജി ഇരുന്നു..

“എന്തെ.. വയ്യേ..”

“ഇനി വയ്യ ബാവു. നമുക്ക് പോകാം..”

“നീ ഇത്ര ചെറുത് കയറിയപ്പോൾ ക്ഷീണിച്ചോ.. വാ ഞാൻ പിടിക്കാം..”

അവളുടെ കയ്യിൽ പിടിച്ചു ഞാൻ മുകളിലേക്കു നടത്തി…

അവൾ അവളുടെ തല എന്റെ തോളിൽ വെച്ചാണ് കയറുന്നത്.. മുഖമെല്ലാം വിയർത്തു കുളിച്ചിട്ടുണ്ട്.. അവസാനം മുകളിലെ പടിയിൽ എത്തിയപ്പോൾ ഒരു സമാധാനം ആയി.. ഇനി താഴോട്ട് സ്റ്റെപ് ഇറങ്ങിയാൽ മതിയല്ലോ..

“എടി. അത് കണ്ടോ..”

അവിടെ കാറും ജീപ്പും ബസ്സും എല്ലാം പാർക്ക്‌ ചെയ്തിരിക്കുന്നു…

“നീ എവിടെ നോക്കിയിട്ടാണ് വണ്ടി വിട്ടത്..”

“അത് എനിക്ക് അറിയോ. നിനക്ക് ചോദിച്ചു കൂടെനിയോ ആളുകളോട്..”

“ഇനി പറഞ്ഞിട്ട് കാര്യമില്ല..”

ഞാനും നാജിയും ആ കുന്നിൻ മുകളിലെ ചെറുകാറ്റിൽ കുറച്ചു ചേർന്ന് നിന്ന് കൊണ്ട് മുന്നോട്ടു നടന്നു.. കാര്യമായി ആരും ഇല്ല.. പിന്നെ ഉള്ളത് മുഴുവൻ കുറെ കുടകൾ ആണ്.. അതിന്റെ അടിയിൽ കുറെ യുവ മിഥുനങ്ങൾ തങ്ങളുടെ ഭാവി ചർച്ച ചെയ്തു ഇരിക്കുന്നു…

ഒരു റൗണ്ട് കറങ്ങി വന്നു അവിടെ ഉള്ള ഇരിപ്പിടത്തിൽ ഞങ്ങൾ ഇരുന്നു..