ഒന്നും ഉരിയാടാതെ 11 [നൗഫു] 4812

“ബാവു.. വേണ്ടാ.. ഞാനും വരാം.. ഇത്തയുടെ വീട്ടിലേക്..”

“ആ.. അങ്ങനെ പറ.. അപ്പൊ പേടിയുണ്ട്..”

“പേടിയൊന്നും അല്ല മോനെ.. ഇനി നീ ചാടി പുറത്ത് വീണു കയ്യോ കാലോ ഒടിഞ്ഞു തൂങ്ങി.. നിന്നെയും തൂക്കി എടുത്തു ഹോസ്പിറ്റലിൽ പോയി. പിന്നെ നിന്റെ ബാക്കി കാര്യങ്ങൾ എല്ലാം ചെയ്തു തന്നു ഞാൻ ഒരു വഴിക്കാകും.. അത് കൊണ്ട..”

“ഹ്മ്മ്.. ആയ്കോട്ടെ.. അമ്മളെ മാവും പൂക്കും.. അന്ന് ഞാൻ നീന്നെ കണ്ടോളാം..”

“പൂത്തില്ലല്ലോ. .. പൂത്തിട്ട് പറ..”

അങ്ങനെ ഞങ്ങൾ ഒന്നും രണ്ടും പറഞ്ഞു.. മലപ്പുറത്തെ ഓരോ ചെറിയ ടൗണിൽ കൂടെയും പതിയെ മുന്നോട്ട് പോയി..

“ബാവു.. നമുക്ക് കോട്ട കുന്നിൽ കയറിയാലോ…”

“ഈ സമയത്തോ.. അതും നട്ടുച്ചക്ക്..”

“അതിന് എന്താ.. ഒന്നു കയറി ഇറങ്ങാം പ്ലീസ്.. ഞാൻ ഇത് വരെ കണ്ടിട്ടില്ല..”

“അയ്യോ.. അത് മോശമായി.. ഞാനും ഇത് വരെ കണ്ടിട്ടില്ല..”

“എന്ന കയറി ഇറങ്ങാം..”

കറക്റ്റ് റൂട്ട് അറിയാത്തതു കൊണ്ട് ഞങ്ങൾ മാപ് സെറ്റ് ചെയ്തു കോട്ട കൂന്നിന്റെ അടിവാരത്തുള്ള പാർക്കിങ്ങളിൽ കാർ പാർക്ക്‌ ചെയ്തു.. സത്യം പറഞ്ഞാൽ അതിന്റെ മുകളിലേക്കു പോകുവാനുള്ള വഴി ഞങ്ങൾക്കോ, മാപ്പിനോ അറിയില്ലായിരുന്നു…അവിടെ നിന്നും നടക്കുവാൻ തുടങ്ങി.. അടിയിൽ നിന്നും നോക്കിയപ്പോൾ ഒരുപാട് പടിക്കെട്ടുകൾ കണ്ടു.. നൂറോ ഇരുന്നുറോ മുന്നൂറോ.. ഒരുപാട് പടികൾ ഉണ്ട്…